Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
15.02.2014

«ОДАМЛАР УМИД БИЛАН КЕЛАДИ»

Бу умид ишончга айланиши учун ҳар бир мурожаатдаги муаммо ҳал этилиши йўлида курашмоқ керак

Фарғона вилояти: 2014 йил январь ойида Жамоатчилик қабул­хоналарига 138 нафар фуқаро мурожаат қилди.

ЎзХДП Фарғона вилоят кенгаши Ижроия Қўмитасининг жорий йил февраль ойида «Жамоатчилик қабулхоналари фаолиятини янада такомиллаштириш, жойларда кўчма Жамоатчилик қабулхоналари ташкил этиш тўғрисида»ги қа­рорига асосан, «Маҳалла» хайрия жамоат фонди вилоят бў­лими ҳамда минтақавий пар­тия ташкилотлари ҳамкорлигида кўчма Жамоатчилик қабул­хоналари ташкил этиш тартиби ишлаб чиқилди. Унга кўра, вилоятдаги ҳар бир партия ташкилоти ўз ҳудудида бир ойда камида икки марта кўчма Жамоатчилик қабулхоналари ташкил этиши белгиланди.

Жорий йилнинг январь ойида 16 та партия ташкилоти томонидан 32 та маҳаллада кўчма Жамоатчилик қабулхоналари ташкил этилди. Уларда халқ депутатлари маҳаллий Кенгашларидаги партия гуруҳлари аъзолари, маҳалла фаоллари, ҳамкор ташкилотлар вакиллари иштироки таъминланди.

Мурожаатларнинг аксарияти иш билан таъминлаш, уй-жой коммунал хўжалиги, соғлиқни сақлаш, иш ҳақи ва пенсияларни ўз вақтида олиш билан боғлиқ масалалардан иборат. Айни пайтда уларнинг 70 фоиздан ортиғи ўз ечимини топди.

Бешариқ туман кенгаши кўч­ма Жамоатчилик қабулхонасига бир гуруҳ фуқаролар ишга жойлашишга ёрдам сўраб мурожаат қилди. Тадбирда иштирок этаётган туман Бандликка кўмаклашиш ва аҳолини ижтимоий муҳофаза қилиш маркази вакиллари уларга турли ташкилот ва корхоналарда мавжуд бўлган 14 та иш ўрнини таклиф этди. Мурожаат қилганларнинг мутахассислиги ўрганилгач, Хислат Қамбаров туман пахта тозалаш заводига пайвандчи, Нодира Жумаева туман тиббиёт бирлашмасига ҳам­шира ва Маф­туна Баҳодирова лаборант вазифасига ишга қа­бул қилинди.

Ўзбекистон туман партия кенгаши томонидан 2014 йилнинг 17 январь куни тумандаги Қай­қубод маҳалла фуқаролар йиғинида ўтказилган кўчма Жамоатчилик қабулхонасида Маърифат Деҳқонова ҳамда Хуршида Мўминоваларнинг болалар нафақасини расмийлаштириш юзасидан қилган мурожаати ҳам ижобий ҳал этилди.

— Одамлар Жамоатчилик қа­булхоналарига умид билан келади, — дейди ЎзХДП Фарғона вилоят кенгаши раиси, халқ депутатлари вилоят Кенгашидаги партия гуруҳи раҳбари Маҳмуджон Маҳкамов. — Улар ўз саволига адолатли жавоб топса, муаммоси ечимини кўрса, кейин бизга ишонади. Бу ҳақиқатни партиямиз ташкилотлари етакчиларига тушунтираяпмиз.

Фарғона вилоятидаги тажриба шуни кўрсатмоқдаки, кўчма Жамоатчилик қабулхоналари ЎзХДП ғоя ва мақсадларини нафақат электорат, балки кенг халқ оммаси орасида тарғиб қилишнинг самарали механизмига айланмоқда.

Муҳаммаджон ОБИДОВ,

«Ўзбекистон овози» мухбири.



DB query error.
Please try later.