11.02.2014

ЁШЛАРГА ҚАНЧАЛИК ЭЪТИБОРЛИ БЎЛСАК

тарафдорларимиз ҳам, ғояларимизни қўллаб-қувватловчилар ҳам шунча кўпаяди

Ҳозирги кунда «Навоий­азот» ОАЖда ЎзХДПнинг 230 нафар аъзоси меҳнат қилади. Ҳар ҳафтада бошланғич партия ташкилоти мамлакатимиздаги ижтимоий-иқтисодий, сиёсий жараёнларга бағишланган давра суҳбатлари, семинарлар ташкил этади.

Навбатдаги семинарда корхона ишчи-ходимлари билан бирга маҳаллий Кенгашлар депутатлари, олимлар, сиёсатчилар иштирок этди. Тадбирда асосий эътибор бугунги кунда БПТ олдида турган долзарб масалаларга қаратилди. Жумладан, касб-ҳунар коллежларини битириб янги ишга қабул қилинган ёш ходимларга «устоз-шогирд» анъ­аналари асосида эътиборли бў­лиш, улар ишга кўникиб кетишларига кўмаклашиш каби масалалар хусусида сўз юритилди.

Шунингдек, электоратни ўй­лантираётган муаммоларни ўр­ганиш ва уларни ҳал этиш бўйича юқори партия ташкилотларига таклифлар бериш ишлари­ни кучайтириш зарурлиги таъкидланди.

— Бизнинг тадбирларимизда ҳар доим барча масалалар очиқ муҳокама этилади, — дейди бошланғич партия ташкилоти етакчиси Гулжамол Сатторова. — Аъзоларимизнинг 112 нафари 30 ёшгача бўлган йигит-қизлар бўлгани учун ҳам баҳс-мунозаралар қизғин ўтади. Ўтган йилдаги фаолиятимизни таҳлил қилиб, шунга амин бўл­дикки, БПТ фаол ва ташаббускор бўл­сагина электорат манфаатига хизмат қиладиган ҳаё­тий таклифларни илгари сура олади, амалий ишлар билан тарафдорларни кўпайтиради.  Бир мисолга эътибор қаратайлик, 2013 йилда корхонага 300 нафар коллеж битирувчиси ишга қабул қилинди. Улар билан алоҳида иш олиб боришимиз керак. Сабаби, ёшларга қанча эътиборли бўлсак, ғояларимизни қўллаб-қувватловчилар ҳам шунча кў­пайиб бораверади.

Илҳом САТТОРОВ,

«Ўзбекистон овози» мухбири.



DB query error.
Please try later.