04.02.2014

НУҚТАИ НАЗАР

— Демократик ислоҳотларнинг бугунги босқичи сиёсий партия­лар фаолиятини ҳар қачонгидан кучайтиришни талаб этмоқда. Ижтимоий-сиёсий ва иқтисодий тараққиётнинг аниқ устувор йўналишларини белгилаб олиш, мамлакатни ислоҳ этиш ва модернизация қилишда партия фаоллари, депутатлар зиммасидаги вазифалар аҳамиятини ҳар биримиз чуқур тушуниб етишимиз керак.

Сиёсий партиянинг жамиятдаги ўрни кўп жиҳатдан унинг етакчилари салоҳиятига боғлиқ. Дастурий мақсадларни амалга оширишда ҳам улар ҳал қилувчи ўрнига эга. Шу боис сафимизда билимли ва қатъиятли етакчиларнинг кўпайишишига эришишимиз зарур.

Энг аввало, қуйи партия ташкилотлари етакчиларида дадилликни шакллантириш керак, деб ўйлайман. Шунда улар ўз ҳудудидаги воқеа-ҳодисаларга синчковлик билан қарайди, камчиликларни таҳлил этиб, ҳал қилиш бўйича таклифларини дадиллик билан илгари сура олади.

Бир мисол. Бугун туманимизда ЎзХДПнинг 58 та бошланғич ташкилоти бор. Уларда уч мингга яқин аъзо бирлашган. Туман тиббиёт бирлашмаси, «Шанба» маҳалласида ташкил этилган қуйи бўғинларимиз етакчилари фаоллиги билан алоҳида ажралиб туради. Хусусан, партия аъзолари билан ишлаш, улар орасидан сиёсий-ҳуқуқий билимдон ёшларни партия ишига кенгроқ жалб этиш бўйича эътиборга молик ишлар олиб борилди. Бу эса фаол етакчилар сафи ортишига хизмат қилмоқда.

Шу ўринда яна бир фикр. Бирор жойда аҳолини қандайдир муаммо ўйлантираяпти. Партия кенгаши ҳамда депутатларимиз бу ҳақда дастлаб ўша ҳудуддаги қуйи бўғин етакчисининг фикри билан қизиқиши муҳим аҳамиятга эга. Шунда етакчиларимизнинг ўзи яшаётган ва ишлаётган жойдаги вазиятдан хабардорлиги ошади, юзага келган масаланинг ечими бўйича амалий таклиф беришга интилиши янада кучаяди, деб ҳисоблайман.



DB query error.
Please try later.