Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
04.02.2014

СОЧИ: XXII ҚИШКИ ОЛИМПИЯ ЎЙИНЛАРИ

очилишига уч кун қолди

Ер куррасининг ҳар тўрт йилда ўтказиладиган мазкур нуфузли мусобақасида дунёнинг саксон беш давлатидан олти минг нафардан зиёд спортчи ғолиблик учун кураш олиб боради. XXII қишки Олимпия ўйинларида спортнинг етти тури бўйича 98 комплект медаллар учун баҳслар уюштирилади.

Унда юртимиз шарафини эркаклар ўртасида якка тартибда муз устида нафис учиш бўйича Миша Ге ҳимоя қилади. Шунингдек, тоғ чан­ғиси баҳсларида Артём Воронов ҳамда Ксения Григорьевалар майдонга тушади. Чанғичиларимиз икки (слалом ва гигант слалом) йўналишлари бўйича ўз омадларини синаб кўришади.

Спортчиларимиздан Ксения Григорьева бир мунча тажрибали саналади. Йигирма етти ёшли чанғичимиз бундан тўрт йил муқаддам Канаданинг Ван­кувер шаҳрида ўтган қишки Олимпия ўйинларида ўз дебютини ўтказган эди.

Муз устида нафис учиш бўйича Ўзбекистон терма жамоаси аъзоси, халқаро тоифадаги спорт уста­си Миша Ге 2013 йили Канадада бўлиб ўтган жаҳон чемпионатида кучлилар қаторидан жой олиб, Сочи олимпиадасига йўлланмани қўлга киритган.

Маълумот ўрнида шуни алоҳида таъкидлаш керакки, XXII қишки Олимпия ўйинлари 7 — 23 февраль кунлари бўлиб ўтади. Сочи олимпиадаси мусобақалар сони ва янги спорт турларини ўз ичига олиши бўйича рекорд натижани қайд эт­ди. Гарчи, баҳслар умумий еттита спорт тури бўйича ўтказилса-да, жами 19 та йўналишда ғолиб ва совриндорлар номи аниқланади. Баҳсларни ойнаи жаҳон орқали 3 миллиардга яқин томошабин тўғридан-тўғри кузатиб бориши кутилмоқда.

Россиянинг «Адамас» заводида ясалган медаллар ҳажми жиҳатидан бутун қишки Олимпия ўйинлари тарихидаги энг йириги ҳисобланади. Уларнинг диаметри 10, қалинлиги эса 1 сантиметрни ташкил этади. Учинчи ўрин соҳиби 460 грамм бронза, иккинчи ўринни эгаллаган спортчи 525 грамм кумуш ҳамда чемпион 531 граммлик олтин медаль билан тақдирланади. Совринларни тайёрлаш учун 3 килограмм олтин, 2 тонна кумуш ва 700 кг бронза ишлатилган. Ташкилотчиларнинг билдиришича, олтин медалнинг қиймати 6000 АҚШ долларини ташкил этади. 2010 йили Ванкуверда ўтган олимпиада бош медалининг қиймати 500 АҚШ доллари дея баҳоланганди.

Қишки Олимпия ўйинлари ўтадиган кунларда Сочида ўртача ҳарорат +8,3° даражани ташкил этиши кутилмоқда. Бунгача мусобақалар ўтказилган бирорта шаҳарда бу каби илиқ об-ҳаво кузатилмаган.

Эслатиб ўтамиз, Ўзбекистон спорт делегацияси мусобақада иштирок этиш учун кеча Сочига жўнаб кетди. Анъанага кўра, «Олимпия шаҳарчаси»да Давлатимиз байроғининг кўтарилишига бағишланган тантанали тадбир 5 февраль куни маҳаллий вақт билан соат 16:00 да бўлиб ўтади.

Самандар БОБОРАЖАБОВ,

ЎзДЖТУ талабаси.

Суратда: халқаро тоифадаги спорт устаси Миша Ге.



DB query error.
Please try later.