Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
01.02.2014

ЁШ БОКСЧИЛАРИМИЗ

Бангкокда бокс бўйича ёшлар ўртасида ўтказилган VI Осиё чемпионатида Ўзбекистон терма жамоаси муваффақиятли иштирок этди.

Ҳамюртларимиз иккита олтин, тўртта кумуш ва иккита бронза медали билан тақдирланиб, умумжамоа ҳисобида иккинчи ўринни эгаллади.

Ҳамюртимиз Бектемир Мелиқўзиев (69 кг) барча учрашувларда ғалаба қозонди. У фаластинлик Мотасем Бебух, қозоғистонлик Илья Очкин ва тожикистонлик Шаҳбоз Неъматуллаев устидан ишончли ғалаба қозониб, терма жамоамиз ҳисобига илк олтин медални тақдим этди.

Мутахассисларимиз яна бир ­боксчимиз Козимбек Мардонов ­(75 кг)нинг келажаги порлоқ эканлигини эътироф этишмоқда. У ўтган йили ўсмирлар ўртасида ўтказилган қитъа биринчилигидан юртимизга олтин медаль билан қайтганди. Козимбек Осиё чемпионатида ҳам қитъамизда тенгсиз эканлигини намойиш қилди. Чинг Фенг Лин (Хитой-Тайпейи), Бекжан Бакиров (Қозоғистон), Юн Жу-Хо (Жанубий Корея) устидан катта устунлик билан зафар қучди ва финалга йўлланма олди. Ҳал қилувчи баҳсда ҳамюртимиз ҳиндистонлик Нил Камол Сингхга қарши рингга чиқди. Козимбек рақибига ҳеч қандай имконият қолдирмади ва мусобақанинг олтин медали билан тақдирланди.

Шунингдек, қитъа чемпионатида ўз вазн тоифаларида Абдулҳай ­Шораҳматов (52 кг), Маҳмуд Ғоипов (64 кг), Азизбек Шукуров (81 кг), Асилбек Солиев (91 кг) кумуш, Фазлиддин Мелибоев (60 кг) ва ­Шоҳрух Эркинов (+91 кг) бронза медалини қўлга киритди.

— Ёшларимизнинг ушбу ютуғи юртимизда болалар спортини ривожлантиришга қаратилаётган эътибор самараси, деб биламан, — дейди бокс бўйича Ўзбекистон ёшлар терма жамоаси бош мураббийи ­Марат Қурбонов. — Айниқса, ўсмирлар ва ёшлар ўртасидаги нуфузли мусобақаларда ғолиб бўлаётган спортчиларимиз сафи тобора кенгайиб бораётгани мамлакатимизда муносиб издошлар тайёрлаш ишлари тўғри йўлга қўйилганидан далолатдир.

Мусобақада иштирок этган жами ўн спортчимиздан саккиз нафарининг ғолиб ва совриндорлар қаторидан  жой олганлиги ҳам фикримиз тасдиғидир.

Эркин ХОЛБОБО,

«Ўзбекистон овози» мухбири.



DB query error.
Please try later.