Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
30.01.2014

«САЛОМАТЛИГИМИЗ ЎЗ ҚЎЛИМИЗДА»

Ўзбекистон Халқ демократик партияси ­Тошкент вилоят кенгаши «Фаол аёллар» ва «Истиқбол» ёшлар қаноти етакчилари иштирокида Оҳангарон туманида шу мавзуда давра суҳбати ўтказди.

Тадбирда ёшларнинг соғлом ва баркамол бўлиб вояга етиши учун яратилган шарт-шароитдан самарали фойдаланиш, оилаларда соғлом турмуш тарзини шакллантиришни тарғиб қилиш масалалари хусусида фикр алмашилди.

— ЎзХДП Сайловолди дастурида инсон саломатлигини асраш ва мустаҳкамлаш масаласига алоҳида эътибор қаратилган, — дейди ЎзХДП Оҳангарон туман кенгаши раиси Лазиз ҲАСАНОВ. Шундан келиб чиқиб, ўтказилаётган тадбирларимизда ёшлар орасида соғлом турмуш тарзини тарғиб қилиш, уларнинг тиббий маданиятини оширишга алоҳида эътибор қаратаяпмиз. Туманимизда 122800 нафар аҳоли истиқомат қилса, шундан 69546 нафари, яъни 56 фоизини ёшлар ташкил қилади. Ёшларнинг ҳар жиҳатдан соғлом ва баркамол бўлиб вояга етиши мамлакатимизнинг бугуни ва эртанги куни қандай бўлишини ҳал қиладиган асосий омиллардан ҳисобланади. Шунинг учун биз туман тиббиёт бирлашмаси, ИИБ, ФҲДЁ бўлими билан ҳамкорликда бу борада учраётган масалаларнинг ечимини топишга ҳаракат қиляпмиз.

— Ҳозир давлатимиз томонидан соғлом авлодни тарбиялаш, фарзандларимиз биздан-да бахтли бўлиши учун беқиёс ишлар амалга оширилмоқда, — дейди Туман тиббиёт бирлашмаси шифокор-гинекологи Умсиной Эргашева. — Афсуски, айрим ота-оналар қизларни эрта турмушга бериши оқибатида кўнгилсиз во­қеа­лар учраб турибди. Ёш турмуш қуриш, яқин қариндошлар ўртасидаги никоҳ носоғлом зурриёд дунёга келишига асосий сабаб бўлиши тўғрисида кўп гапираяпмиз. Лекин ота-оналар орасида бунга етарли эътибор бермаётганлари ҳам борлигидан кўз юма олмаймиз. ЎзХДП «Истиқбол» ёшлар ва «Фаол аёллар» қанотлари билан ҳамкорликда таълим муассасаларида мунтазам давра суҳбатлари, учрашувлар, мулоқотлар ташкил қилиб бораяпмиз. Аммо ҳаёт шуни кўрсатмоқдаки, тарғибот ишларини янада таъсирчан усулларда олиб бормасак кўзланган мақсадга етиш қи­йин.

— Туман фуқаролик ҳолати далолатномаларини ёзиш бўлими қошида «Оила дорилфунуни» маш­ғулотлари мунтазам ташкил этилаяпти, — дейди Оҳангарон туман 2-сонли ФҲДЁ бўлими раҳбари ­Садоқат Сатторова. — Уларда шифокорлар, ҳуқуқшунослар, хотин-қизлар қўмиталари ходимлари, ХДП «Фаол аёллар» қаноти фаоллари ёшларга никоҳгача тиббий кўрикдан ўтишнинг зарурати, қариндошлар ўртасидаги ва эрта никоҳнинг олдини олиш, унинг салбий оқибатлари хусусида тушунчалар беришмоқда. Назаримда, бундай тадбирларни ота-оналар ва ёшларнинг биргаликдаги иштирокида кўпроқ ташкил қилиш зарур. Сабаби, бизнинг халқимизда тўй қилиш ташаббуси асосан катталардан чиқади...

Тадбирда оилада, жамиятда тиббий маданиятни ошириш бўйича савол-жавоблар бўлди. Бу каби тадбирлар ёшлар орасида соғлом турмуш тарзини шакллантириш, уларда ўз соғ­лигига масъулиятни янада оширишга хизмат қилади.

Меҳрож Дархонов



DB query error.
Please try later.