28.01.2014

МОБИЛЬ ТЎЛОВЛАР ВАҚТНИ ТЕЖАЙДИ, ҚУЛАЙ ВА ИШОНЧЛИ

Кундалик ҳаётимизни ахборот-коммуникация технологияларисиз тасаввур эта олмаймиз. Улар ҳаётимизга тобора чуқурроқ кириб келиб, одамлар манфаатига хизмат қилмоқда.

Мобиль телефонларнинг қандай афзаллик ва қулайликларга эга эканлигини бугун барчамиз яхши биламиз. Ундан нафақат алоқа воситаси, фото камера, овоз ёзиб олиш ёки MP-3 жиҳози, қолаверса, бугун тўлов воситаси сифатида ҳам фойдаланилмоқда. Бундан кўпчилик ҳозирча бехабар бўлиши мумкин. Аммо «SMS TО’LOV» тизими ишлаб чиқилиб, нақдсиз тўловларни телефон воситаси ёки интернет, шунингдек, SMS орқали амалга ошириш имконияти яратилди. Бу янги ва қулай бўлган тизим тўғрисида ўқувчиларимизга тўлароқ маълумот бериш мақсадида ушбу тизимни амалиётга жорий этишга масъул бўлган Ўзбекистон Савдо-саноат палатасининг «Call-center» маслаҳат маркази етакчи мутахассиси Алишер ­Салямовга мурожаат қилдик.

— «SMS TО’LOV» тизими орқали турли хил товар ва хизмат турлари учун электрон тўловни амалга ошира оласиз. Бунинг учун сиз «SMS TО’LOV» тизимида рўйхатдан ўтишингиз ёки ўзингизнинг телефонингизга мавжуд мобиль дастурни ўрнатишингиз лозим. Шундан кейин сизнинг мобиль телефонингиз банкдан олган пластик карточканинг ҳисоб-рақамига уланади.

«SMS TО’LOV» пуллик хизматидан фойдаланувчилар қуйидагича рўйхатдан ўтади. Банкда «СМС Информирования» (SMS Хabarnoma) хизматига шахсий UZKARD ёки онлайн пластик карточкаси орқали уланади ҳамда карталар яқиндаги банкоматлар орқали мижознинг телефон рақамига боғланади. Шундан сўнг фойдаланувчи билан кўрсатиладиган хизмат юзасидан унинг розилигига кўра, кейинги ишларни амалга ошириш учун шартнома тузилади.

Жумладан, «SMS — TО’LOV» мобиль дастурини ўзингизнинг мобиль телефонингизга www.smst.uz расмий cайтидан ёки google play market (android учун) ва appstore (iphone учун) каби расмий манбалар орқали ҳам юклаб олиш имконияти мавжуд. Мобиль дастур ўрнатгандан кейин, логин ва парол киритилиб, яъни (олинган «sms» орқали) умумий таклифнинг якунловчи қарорини олиш учун эса «Я принимаю» (Ҳаммага тушунарли бўлиши учун ҳозирча рус тилида ёзилмоқда) командасини танлаш лозим. Шу вақтнинг ўзида электрон рақамли имзонинг калити сизнинг телефонингизда пайдо бўлади, у телефон экранида кўриниши учун «Далее» тугмаси босилади. Бундан ке­йин, серверда мижоз телефонидан рўйхатга олиш ҳақида «sms» ёки фойдаланиш учун тайёр дастур олинади ва бош менюдан «настройкага» кирилиб, «профелдан» «kard» деб аталган жойга пластик карточкангизнинг рақамини киритасиз. Сўнгра «сохранит» тугмаси босилади ва шундан сўнг ундан бемалол фойдаланиш мумкин.

— «SMS — TО’LOV» хизматидан аҳоли савдо-сотиқ ишларида ҳам фойдаланиши мумкинми?

— Ҳозирда банк томонидан берилган пластик карточкани олиб харидни барчамиз амалга оширмоқдамиз. Эндиликда харид учун савдо шохобчаси, «Минимаркет» ёки «Супермаркет»ларга пластик карточкани олиб боришимизнинг ҳожати қолмайди. Чунки «SMS — TО’LOV» мобиль дастурини ўзингизнинг мобиль телефонингизга ўрнатсангиз бас, бемалол харидни амалга ошириш мумкин. Масалан, бирон савдо шохобчасига бордингиз, олинган маҳсулот суммаси айтилгандан сўнг, ушбу хизмат кўрсатувчи савдо шохобчасининг харидорларга кўринадиган жойга осиб қўйилган махсус касса рақамига телефонимиз орқали айтилган маблағни ўтказамиз. Шунда мобиль телефонимизга ўтказилган маблағни тасдиқловчи маълумот келади. Худди шундай маълумот савдо ходимининг мобиль телефонида ҳам пайдо бўлади. Ушбу тизим аҳолига кўп жиҳатдан қулайлик яратади. Чунки, ҳозирда юртдошларимиз харид чоғида дуч келаётган муаммолар, яъни электр токи йўқ эди, терминалимиздаги карта тўлиб қолди каби турли-туман баҳоналарга ҳам ўрин қолмайди.

Бундан ташқари, ушбу тизим орқали жисмоний шахслардан олинадиган ер ва мол-мулк солиқлари ҳамда коммунал, банк, интернет провайдер хизматларига ва уяли алоқа компанияларига тўловларни амалга ошириш мумкин. Яна шуни айтиб ўтмоқчи эдим. Ушбу «SMS — TО’LOV» тизими бўйича аҳолида саволлар туғиладиган бўлса, 150-60-06 телефонига мурожаат қилишлари мумкин.

«Ўзбекистон овози» мухбири

Тоштемир ХУДОЙҚУЛОВ суҳбатлашди.


Фикр ва мулохазалар

Защита от автоматических сообщений

Сўнгги янгиликлар: