Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
16.01.2014

ФУҚАРОЛАР МУРОЖААТЛАРИ ЎЗ ЕЧИМИНИ ТОПМОҚДА

Гурлан туманидаги «Жалойир» маҳалла фуқаролар йиғини биноси анчагина эскириб қолган эди. Шу боис ЎзХДП туман кенгаши қошидаги Жамоатчилик қабулхонасига маҳалла фаоллари шу масалада кўмак сўраб мурожаат қилишди. Депутатлик гуруҳи муҳокамасидан сўнг мазкур масала халқ депутатлари Хоразм вилоят Кенгаши депутати, «Мегасфера» қўшма корхонаси раҳбари Муроджон Ваисовга топширилди.

Депутат аввало қурилиш, таъмирлаш соҳаси мутахассислари билан маслаҳатлашди, қанча маблағ зарурлигини ҳисоб-китоб қилиб чиқди. Шундан кейин тегишли ҳужжатларни тайёрлаб, масъул ташкилотларга мурожаат қилди. Масала охирига қадар ечилмагунча елиб-югурди. Негаки, айрим ҳолларда депутатлар йўллаган сўровларга тегишли ташкилотлар мужмал, қуруқ ваъдадан иборат жавоб хатлари юбориш билан чегараланиб қолади. Муроджон Ваисовнинг қатъий ҳаракати туфайли қисқа фурсатда маҳалла фуқаролар йиғини биноси тўла таъмирланди.

Хабарингиз бор, 2013 йилнинг ноябрь-декабрь ойларида мамлакатимизда фуқаролар йиғинлари раислари ҳамда уларнинг маслаҳатчилари сайлови бўлиб ўтди. «Жалойир»да бу сайлов фуқаролар йиғинининг замонавий кўринишдаги биносида ташкил этилгани билан ҳам кўпчиликнинг ёдида қолди. Одамлар янги бино маҳалла кўркига кўрк қўшганини таъкидлашди.

— Сайловчилар, аҳоли вакиллари билан доимий учрашиб туриш, уларни ўйлантираётган турли масалаларни ўрганиш депутат фаоллиги, ташаббускорлиги ошишида муҳим аҳамиятга эга, — дейди ЎзХДП Гурлан туман кенгаши раиси Ўғилжон Оллаберганова. — Буни Муроджон Ваисовдек жонкуяр депутатларимиз фаолияти мисолида ҳам кўриш мумкин. У жисмоний имконияти чекланган, ижтимоий ҳимоя­га муҳтож кишилар манфаатларини ҳимоя қилиш, касб-ҳунар коллежлари битирувчиларини иш билан таъминлаш, хотин-қизларни касаначилик, оилавий тадбиркорликка жалб қилишда жонбозлик кўрсатмоқда. Одамлар уни жонкуяр, халқ манфаатлари учун туну-кун елиб-югурадиган депутат сифатида ҳурмат қилишади.

Агар халқ депутатлари туман Кенгашидаги депутатлик гуруҳимизнинг ҳар бир аъзоси ўзи сайланган ҳудуддаги муаммолардан хабардор бўлса, уларни ҳал қилиш йўлларини қи­дирса, амалий ишлар кўпая­ди. Туманни ижтимоий-иқтисодий ривожлантириш, партия­миз дастурий мақсадларини амалга ошириш билан боғлиқ ташаббуслар ортади. Муҳими, бундан одамлар манфаат кўради, туманда тараққиёт янада бўй чўзади.

Рўзимбой ҲАСАН,

«Ўзбекистон овози» мухбири.



DB query error.
Please try later.