Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
14.01.2014

МУҲИМ ВА ИРОДАЛИ ҒАЛАБА

Шу кунларда Уммонда футбол бўйича ёшлар (U-22) ўртасида илк маротаба ўтказилаётган Осиё чемпионати қизғин давом этмоқда.

Шуҳрат Мақсудов бош мураббийлик қилаётган Ўзбекистон ёшлар терма жамоаси мусобақанинг «Д» гуруҳида тўп сурмоқда. Қуръага кўра, ҳамюртларимиз даст­лабки учрашувни хитойлик тенг­қурларига қарши ўтказди. Гарчи вакилларимиз ўйиннинг 34-дақиқасида ўз дарвозасидан тўп олиб чиққан бўлса-да, сўнгги дақиқаларгача ҳужумкор футбол намойиш этдилар. Натижада учрашувнинг қўшимча вақтида Егорь Кримец ва Игорь Сергеевлар томонидан киритилган голлар ёшларимизга муҳим ғалабани тақдим қилди — 2:1.

— Ҳар қандай мураббий ҳар бир учрашувда ғалаба қозонишни хоҳлайди, — деди учрашувдан сўнг  Шуҳрат Мақсудов. — Бугунгидек ғалабани эса фақат орзу қилиш мумкин. Ушбу ўйин бош мураббийлик фаолиятимдаги илк расмий учрашув бўлди. Бугун шо­гирд­ларим ўз кучларини, характерларини, иродаларини кўрсата олди. Бунинг учун уларга раҳмат айтаман. Мусобақадаги биринчи ўйин ҳаяжони ўзгача бўлади. Ўйлашимча, бугун шу нарса футболчиларимизда билинди. Ўйиндаги хатолар ҳам ҳаяжон таъсири, деб ўйлайман. Хатолар устида ишлаймиз, ҳар бир ўйинда фақат ижобий натижа учун майдонга тушамиз.

Гуруҳнинг иккинчи баҳсида ­Саудия Арабистони футболчилари ироқликликларга 1:3 ҳисобида имкониятни бой берди.

Мусобақанинг қолган гуруҳларида дастлабки турда қуйидаги натижалар қайд қилинди: «А» гуруҳи. Уммон — Мьянмар — 4:0, Жанубий Корея — Иордания — 1:1. «В» гуруҳи. КХДР — Яман — 3:1, Бирлашган Араб Амирликлари — Сурия — 1:1. «С» гуруҳи. Австралия — Қувайт — 1:0, Япония — Эрон — 3:3.

Ёшларимиз гуруҳдаги навбатдаги учрашувни бугун Ироқ терма жамоасига қарши ўтказса, хитойликлар Саудия Арабистони футболчилари билан куч синашади.

Эркин ХОЛБОБО 



DB query error.
Please try later.