07.01.2014

КЕЛАЖАККА ИШОНЧ

бизни янада фаолликка ундайди

Шу сабабли ҳам биз биринчи навбатда ёшларнинг сиёсий-ҳу­қуқий билимини ошириш, давлат ва жамият ҳаётида фаол иш­тирокини таъминлаш, юртимизда ҳамда дунёда юз бераётган воқеа-ҳодисалар ҳақида мустақил фикри, фуқаролик муносабатини шакллантиришга алоҳида эътибор қаратаяпмиз.

Мисол учун Сергели, Юнус­обод, Яккасарой туманларида «Жамиятни янада демократлаштиришда ёшларнинг ўрни ва фаоллигини ошириш», «Ёшлар — юрт келажаги», «Биз Ватанимиз ривожига ҳисса қўшамиз», «Ёш­лар фаоллигини ошириш — долзарб масала» каби қатор мавзуларда ўтказилган семинар, давра суҳбатлари кўпчилик иштирокчиларда катта таассурот қолдирди. Энг муҳими, партиямизнинг ёш аъзолари учрашув ва давра суҳбатларида шунчаки қатнашчи эмас, балки мавзу юзасидан ўз эркин фикрларини, қарашларини баён этадиган бўлди. Таҳлилларнинг кўрсатишича, мазкур тадбирлар ёшларнинг ижтимоий онги, ҳаётга муносабати ўзгариб, сиёсий фаоллиги, ташаббускорлиги ошишига хизмат қилмоқда.

Демак, биз йигит-қизларни сиёсий фаолиятга, партия ҳаё­тига, мамлакатимиз ҳамда унинг атрофида юз бераётган воқеа-ҳодисаларга ўз муносабатини билдиришга қизиқтира олаяпмиз.

Соғлом бола йилида қанотимиз зиммасида янада катта, масъулиятли вазифалар турибди. Биз нафақат ёш сиёсатчи кадрларни тайёрлаш, балки, соғ­лом ва мустаҳкам оилани шакллантириш масалаларига ҳам эътибор қаратишимиз зарур. Бу­нинг учун ёшларни оилага тайёрлаш, айниқса, уларнинг оила ҳуқуқи бўйича билимларини, тиббий маданиятини юксалтириш бўйича янги лойиҳаларни амалга оширишимиз зарур.

Конституциямиз қабул қилинганининг 21 йиллигига бағишланган тантанали маросимда Президентимиз мустақил фикрлайдиган, замонавий билим ва касб-ҳунарларга эга навқирон ёшларимиз ҳаётга ишонч билан кириб келмоқда, жамиятимизда мустаҳкам ўрин олмоқда ва мамлакатимизнинг тараққиёти йўлида ҳал қилувчи кучга айланмоқда, деб алоҳида таъкидлаб, биз ёшларга катта ишонч билдирди. Бу юксак ишончни оқлаш учун янада фидойи ва фаол бўлишимиз зарур.

Дурбек ХУДОЙҚУЛОВ,

ЎзХДП Тошкент шаҳар кенгаши «Истиқбол» ёшлар қаноти етакчиси.



DB query error.
Please try later.