Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
07.01.2014

ИЖТИМОИЙ ҲИМОЯГАЭҲТИЁЖМАНД КИШИЛАР МАНФААТИ

фаолиятимизда устувор аҳамиятга эга бўлиши керак

ЎзХДП Бухоро вилоят кенгаши ташаббуси билан «Демократик ислоҳотларни янада чуқурлаштириш ва фуқаролик жамиятини ривожлантиришда ЎзХДП ташкилотлари ва депутатлик бирлашмаларининг вазифалари» мавзусида семинар ўтказилди.

Унда Олий Мажлис Қонунчилик палатасидаги ЎзХДП фракцияси аъзолари, халқ депутатлари маҳаллий Кенгашлар депутатлари, вилоят, туман ва шаҳар партия кенгашлари масъул ходимлари ҳамда партия фаоллари иштирок этди.

— Конституциямиз қабул қи­линганининг 21 йиллиги муносабати билан ўтказилган тантанали йиғилишда Президентимиз Олий Мажлис палаталарининг ро­лини янада ошириш, Вазирлар Маҳкамаси ҳамда ижро органлари фаолияти устидан назоратини кучайтириш, энг муҳим стратегик масалалар бўйича қарорлар қабул қилишда ҳуқуқ ва ваколатларини кенгайтириш учун Конституциямизга тегишли қў­шимча ва ўзгартиришлар киритиш мақсадга мувофиқлигини таъкидлади, — деди Олий Мажлис Қонунчилик палатаси депутати, ЎзХДП фракцияси аъзоси Комилжон Очилов. — Шунинг­дек, Вазирлар Маҳкамаси ва жой­лардаги ижро ҳокимияти органларининг масъулиятини ошириш, Олий Мажлис ва маҳаллий кенгашларда уларнинг ҳисоботини мунтазам равишда эшитиш ва тегишли хулосалар чиқаришни ҳаётнинг ўзи тақозо этаётганини алоҳида қайд этди. Демак, Олий Мажлисдан тортиб, маҳаллий Кенгашлар депутатлари зиммасидаги масъулият янада кучайди. Депутатлик назорати, депутатлик сўрови каби таъсирчан механизмларни кучайтириш зарур.

Шунингдек, семинарда электоратни ўйлантираётган масалаларни ҳал этиш, партия Ҳаракат дастурида жорий йил учун белгиланган вазифалар ижроси ва бу борада тўпланган тажриба кў­риб чиқилди.

Хусусан, дастур асосида ўтган йили ЎзХДП депутатлик гуруҳларида 15 дан ортиқ масала кўриб чиқилди. Доимий комиссиялар йиғилишларида 3 та масала муҳокама этилган бўлса, халқ депутатлари маҳаллий Кенгашлар сессияларига 11 та масала олиб чиқилди. Партия электорати манфаатлари билан боғлиқ масалалар бўйича мутасадди ташкилотлар раҳбарларига 211 та депутатлик сўрови юборилди.

— Партиямиз Сайловолди дас­турида аҳоли саломатлигини муҳофаза қилиш, оналар ва болаларга тиббий хизмат кўрсатиш даражасини ошириш бўйича муҳим вазифалар белгиланган, — деди ЎзХДП Бухоро вилоят кенгаши раиси, халқ депутатлари вилоят Кенгашидаги депутатлик гуруҳи раҳбари Саида Жўраева. — Демак, ҳар жиҳатдан соғлом ва баркамол авлодни вояга етказиш ғояси Ўзбекистон Халқ демократик партияси дастурий мақсадларига ҳамоҳангдир. Шундан келиб чиқиб, ижтимоий соҳадаги ислоҳотларни амалга оширишда фаол иштирок этишимиз, бунда депутатлар кучи ва салоҳиятидан тўлиқ фойдаланишимиз керак.

Хўш, бу борада нималарга аҳамият бериш керак? Аввало, Соғлом бола йилида оналар ва болаларга кўрсатилаётган тиббий хизмат сифатини ошириш, мактабгача таълим муассасаларида болаларни витамин-минераллар билан бойитилган озиқ-овқат маҳсулотлари билан таъминлаш бўйича назорат-таҳлил фаолиятини изчил йўлга қўйиш керак. Мавжуд муаммоларни нафақат депутатлик, балки кенг жамоатчилик назорати ваколатларидан фойдаланган ҳолда ҳал этишга амалий ёрдам кўрсатиш лозим.

Семинарда билдирилган таклифлар умумлаштирилиб, шу асосида партия ташкилотлари ва депутатлик гуруҳлари зиммасига аниқ вази­фалар юклатилди.

Лазиза ШЕРОВА,

«Ўзбекистон овози» мухбири.



DB query error.
Please try later.