Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
04.01.2014

ТААССУРОТЛАР ВА ЯНГИ НИЯТЛАР

Руслан НУРУДИНОВ, оғир атлетика бўйича жаҳон чемпиони, «Ўзбекистон ифтихори» фахрий унвони соҳиби:

— 2013 йил ҳаё­тимда бир умр унутилмас бў­либ қолади. Дастлаб баҳорда Қозоғис­тонда ўт­ган қитъа чемпионатида олтин медалга сазовор бўлдим. Сўнгра Қо­зон шаҳрида ўтказилган Бутунжаҳон универсиадасида икки рекордни янгилаб, шоҳсупанинг энг юқори поғонасидан жой олдим.

Ватанимиз мустақиллигининг 22 йиллик байрами арафасида Президентимиз Фармонига кўра, «Ўзбекис­тон Республикасида хизмат кўрсатган спортчи» фахрий унвони билан тақдирландим. Бу мукофот кучимга янада куч қўшди. Орадан кўп ўтмай, аниқроғи, 20-27 октябрь кунлари Польшанинг Вроцлав шаҳрида ўтказилган жаҳон чемпионатида 105 кг вазн тоифасида жаҳон чемпиони бўлдим. Жаҳон чемпионатидан қайт­гач, Юртбошимиз фармони билан «Ўзбекистон ифтихори» фахрий унвони билан тақдирландим.

Бундай юксак эътибор ва ғамхўрликдан кўнглим тоғдек кўтарилди. Келгусида ҳам халқимиз ва Президентимизнинг ишончини оқлашга, янада катта ғалабаларга эришишга ҳаракат қиламан.

Янги йилда бизни жиддий синовлар кутиб турибди. 2014 йилнинг сентябрь ойида Остана шаҳрида саксон биринчи жаҳон чемпионати, сўнгра бир ой ўтиб, Инчеон (Жанубий Корея)да бўладиган ёзги Осиё ўйинларида иштирок этаман. Ана шу нуфузли мусобақаларда ҳам муносиб қатнашиб, юртимиз байроғини баланд кўтаришни ўз олдимга мақсад қилиб қўйганман. Кейин эса ёзги Олимпия ўйинларига тайёргарлик бошланади.



DB query error.
Please try later.