Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
26.12.2013

ТЕКШИРИШЛАР ҚИСҚАРМОҚДА

Кейинги йилларда хўжалик юритувчи субъектларни қўллаб-қувватлаш, ишлаб чиқариш самарадорлигини ошириш, улар фаолиятига ортиқча аралашувларнинг олдини олишга қаратилган қатор ҳуқуқий ҳужжатлар қабул қилинди. Президентимизнинг 2011 йил 4 апрелдаги «Тадбиркорлик субъектларини текширишларни янада қисқартириш ва улар фаолиятини назорат қилишни ташкил этиш тизимини такомиллаштириш борасидаги қўшимча чора-тадбирлар тўғрисида»ги Фармони ана шундай ҳужжатлардан биридир.

Унда белгилаб берилган меъёрларга биноан, тадбиркорлик субъекти томонидан тақдим этилган молия ва солиқ ҳисоботини, шунингдек, тадбиркорлик субъектининг фаолияти тўғрисида давлат солиқ хизмати органида мавжуд бўлган бошқа ҳужжатларни ўрганиш ҳамда таҳлил этиш асосида қоидабузарликлар аниқланган ҳоллардагина текшириш ташкил этилиши мумкин. Бунинг натижасида текширувлар тобора қисқариб бормоқда. Масалан, биргина бизнинг Миробод туманида ўтказилган текширишлар сони ўтган йилнинг мос даврига нисбатан 6 фоизга қисқарди.

Бироқ барча тадбиркорлик субъектлари ҳам ўзларининг қонуний ҳуқуқ ва манфаатларини тўлақонли билади, деб бўлмайди. Шу боис Миробод давлат солиқ инспекцияси томонидан жорий йилнинг ўтган даври мобайнида хўжалик юритувчи субъектларнинг ҳуқуқий саводхонлигини ошириш, уларни соҳага оид қабул қилинган меъёрий ҳужжатлар билан ўз вақтида ва етарли хабардор қилиш мақсадида 27 та ўқув-семинар ўтказилди. Янги қонунлар тарғиботи юзасидан оммавий ахборот воситалари орқали 59 маротаба чиқишлар ташкил этилди. Шу билан бирга «Очиқ эшиклар куни» ҳам ўтказилиб, тадбиркорлик субъектларининг жами 695 та мурожаати кўриб чиқилиб, уларга амалий ёрдам кўрсатилди. Қолаверса, 453 та тадбиркорлик субъектларига, амалдаги қонунчиликка мувофиқ, мажбуриятларини тушунтириш ва фаолиятидаги муаммоларни ўрганиш юзасидан профилактика ишлари ўтказилди.

Дарҳақиқат, қонунларни билиш ишлаб чиқариш фаолиятини ривожлантиришга, мамлакатимизнинг иқтисодий салоҳияти янада юксалишига хизмат қилади.

Бехзод Юлдашов,

Миробод тумани ДСИ «Назорат қилувчи органлар фаолиятини мувофиқлаштириш ва мониторинг шўъбаси» бош инспектори.



DB query error.
Please try later.