Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
19.12.2013

МУҚОБИЛ ТАКЛИФЛАР ШАКЛЛАНИШИ

етакчилар фаоллигига боғлиқ

Қизилтепа туманида ЎзХДП Навоий вилоят кенгаши «Бошланғич партия ташкилотлари фаолиятини такомиллаштириш» мувзусида ўқув-семинар ўтказди. Унда партия фаоллари, халқ депутатлари вилоят, туман, шаҳар Кенгаши депутатлари ҳамда бошланғич ташкилотлар етакчилари қатнашди.

Семинарда иштирок этганлар партиянинг бошлан­ғич бўғинини кучайтириш, электорат билан ишлашнинг самарали механизмларини жорий қилиш масалаларига тўхталиб ўтишди.

— Сиёсий партия ўз мақсадларига эришиши учун аввало бошланғич ташкилот фаол бўлмоғи лозим, — деди ЎзХДП Қизилтепа туман кенгаши раиси Фазлиддин Темиров. — Чунки бошланғич бўғин қанча ташаббускор бўлса, жойларда учраётган муаммолар ечими бўйича муқобил таклифлар шакл­ланиб боради.

Туманимизда 66 та БПТ мавжуд бўлиб, уларга 3000 дан ортиқ аъзо бирлашган. Бош­ланғ­ич ташкилотлар фаолиятини замон талаблари асосида такомиллаштириш,  етакчиларнинг сиёсий-ҳуқуқий билимини янада ошириш, электоратнинг ижтимоий-сиёсий жараёнларда иштирокини кучайтириш масалаларига алоҳида эътибор бераяпмиз. Жорий йилнинг ўтган даврида мазкур йўналишда етакчилар учун бир қатор давра суҳбати ва семинарлар ўтказдик. Аҳамиятли жиҳати, мазкур тадбирларда асосан етакчилар фикр-мулоҳазаларига кенг ўрин берилди. Уларнинг таклифлари бошланғич ташкилотлар фао­лия­ти самарадорлигини оширишда қўл келаяпти.

Семинар якунида фаол БПТ етакчилари рағбатлантирилиб, партия сафига қабул қилинган бир гуруҳ  ёшларга аъзолик гувоҳномалари топширилди.

Илҳом САТТОРОВ,

«Ўзбекистон овози» мухбири.


DB query error.
Please try later.