10.12.2013

СОҒЛОМ БОЛА СОҒЛОМ МУҲИТДА КАМОЛ ТОПАДИ

Ҳар бир ота-она ўз боласининг соғлом ва баркамол, ақл-заковатли, бахтли бўлишини истайди. Шундай фарзандни вояга етказиш, унинг ҳаётда муносиб ўрин эгаллашини кўриш ота-она учун улуғ саодатдир.

Мустақилликнинг дастлабки йиллариданоқ юртимизда соғ­лом она – соғлом бола масаласи давлат сиёсатининг устувор йўналишига айланди. Давлат умуммиллий дастурлари доирасида амалга оширилаётган улкан ишлар халқимизнинг эзгу мақсадини рўёбга чиқаришга хизмат қилмоқда. Бу борада эришаётган ютуқларимиз жаҳон миқёсида тан олиниб, Ўзбекистон тажрибаси ўрганилмоқда.

2014 йилнинг «Соғлом бола йили», деб эълон қилиниши бу борадаги ишлар янада самарали давом эттирилишига, янги босқичга кўтарилишига муҳим асос бўлади.

«Соғлом бола йили» Давлат дастурини ишлаб чиқиш ва унинг ижросини таъминлашда сиёсий партиялар ҳам фаол иштирок этиши зарур.

Конституциямиз қабул қилинганининг 21 йиллигига бағишланган тантанали маросимда Президентимиз сиёсий партия­ларнинг мамлакат ижтимоий-иқтисодий тараққиёти, сиёсий ҳаётидаги ролини кескин кучайтириш масалалари ҳақида ­алоҳида тўхталди. ­Хусусан, ­Юртбошимиз ўз маърузасида мамлакатимизни ислоҳ этиш ва модернизация қилиш бўйича стратегик вазифаларни ҳал этишда сиёсий партияларнинг иштирокини кенгайтириш демократик ислоҳотларни изчил амалга оширишнинг энг муҳим омилига айланмоғи зарурлигини таъкидлади. Ҳақи­қатан ҳам, сиёсий пар­тиялар демократик жараёнларни ривожлантириш, ислоҳотларни чуқурлаштиришда том маънода ҳал қилувчи кучга айланмас экан, кучли фуқаролик жамиятини барпо этиб бўл­майди.

Биз Юртбошимиз маърузасида билдирилган фикрлардан ўзимизга тегишли хулосалар чиқариб олмоғимиз лозим. «Соғлом бола йили» ғояларини рўёбга чиқаришда фаол иштирок этишимиз учун эса амалий ишлар ва ҳаётий ташаббуслар устида кўпроқ ўйлашимиз талаб этилади.

Биринчи навбатда оналик ва болаликни ҳимоя қилиш, оилаларда соғлом муҳитни кучайтириш, уларнинг иқтисодий ва маънавий асосларини мустаҳкамлаш каби масалаларга алоҳида эътибор қаратиш устувор вазифаларимиздан ҳисобланади. Чунки соғлом бола соғлом оилада, соғлом авлод эса соғ­лом жамиятда камол топади.

Аҳолининг ижтимоий ёр­дамга муҳтож қатлами, аниқроқ айтганда, боқувчисини йўқотган, моддий жиҳатдан эҳтиёжманд оилалар, ногиронларнинг манфаатини ҳи­моя қилишни ўз зиммасига  олган ЎзХДП учун соғлом болани тарбиялаш ғояси ўта муҳим аҳамиятга эгадир. Ҳар бир оила, ҳар бир бола соғлом бўлишидан, энг аввало, бизнинг электоратимиз вакиллари манфаатдор бўлади.

Шундай экан, партиямизнинг 2014 йилга мўлжалланган иш режасида бу борада аниқ вазифаларни белгилаб олишимиз керак. Биринчи навбатда, соғлом бола туғилиши учун шарт-шароитларни янада яхшилаш, оналик ва болаликни муҳофаза қилишга қаратилган бир қатор масалаларни халқ депутатлари маҳаллий Кенгашлари сессиялари муҳокамасига олиб чиқиш муҳим аҳамиятга эга.

Абдулҳамид НУРМАТОВ,

ЎзХДП Андижон вилоят кенгаши раиси.



DB query error.
Please try later.