Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
05.12.2013

ИНСОН ҚАДРИНИ УЛУҒЛОВЧИ ҚОМУС

Конституциямиз қабул қилинган кун муносабати билан Каттақўрғон педагогика ва иқтисодиёт касб-ҳунар коллежида ўқувчилар ҳамда маҳаллий Кенгаш депутатлари, юртимизнинг етакчи санъат ва маданият намояндалари иштирокида учрашув ўтказилди.

Тадбирда сўзга чиққан халқ депутатлари Каттақўрғон туман Кенгашидаги ЎзХДП депутатлик гуруҳи аъзолари Бош Қомусимизнинг мамлакатимиз тараққиётидаги ўрни, халқимизнинг тинч ва эркин ҳаётини таъминлашдаги аҳамияти, жамиятни демократлаштиришдаги роли хусусида фикр юритишди.

Шунингдек, учрашувда Ўзбекистон халқ артисти Элёр Носиров, Ўзбекистонда хизмат кўрсатган артист Эркин Қайтаров, Ўзбекистон Ёзувчилар уюшмаси Самарқанд вилоят бўлими раиси Ориф Ҳожиев ва бошқалар сўзга чиқиб, мавзу юзасидан ўз фикрларини билдиришди. Ёшлар Конституцияни чуқур ўрганиши, ўз ҳақ-ҳуқуқлари ва зиммасидаги бурчларини яхши билиши ҳаёт йўлида муҳим аҳамиятга эга эканини таъкидлашди.

Юлдуз ҲАМРОЕВА, Каттақўрғон ижтимоий-иқтисодиёт ва педагогика касб-ҳунар коллежи директори, халқ депутатлари туман Кенгашидаги ЎзХДП ­депутатлик гуруҳи аъзоси.

ЎзХДП Ҳамза туман кенгаши ташаббуси билан «Конс­титуция халқимизнинг шаъни ва қадр-қимматини улуғловчи Қомусдир» деб номланган тадбир ўтказилди.

Унда партия Марказий Кенгаши ва Олий Мажлис Қонунчилик палатасидаги фракцияси аъзолари, халқ депутатлари Тошкент шаҳар Кенгаши депутатлари, ёшлар вакиллари қатнашди.

Сўзга чиққанлар Конституциямиз ҳаётга изчил татбиқ этилиши давлат ва жамиятни жадал ривожлантириш, демократик ислоҳотларни янада чуқурлаштириш, инсон манфаатларини таъминлашда муҳим омил бў­лаёт­ганини таъкидлашди.

— Ҳар биримиз, хусусан, ёш авлод Конституцияни чуқур ўрганиши, унинг эзгу ғояларини яхши билиши керак, — деди халқ депутатлари Тошкент шаҳар Кенгаши депутати Акрам Ҳошимов. — Бу, ўз нав­батида, қонунларга қатъий амал қилиб яшаш кўникмасини шакллантиради, жамият олдидаги бурчни анг­лашга хизмат қилади.

Тадбир иштирокчилари Конституциямиздаги ҳар бир меъёр тараққиёт йўлимизнинг муҳим асоси эканига урғу беришди, жамиятда ҳуқуқий маданиятни юксалтириш борасида таклифларни ўртага ташлашди.

ЎзХДП Тошкент шаҳар кенгаши

Матбуот хизмати.



DB query error.
Please try later.