Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
12.11.2013

ФРАКЦИЯ ТАКЛИФЛАРИ

Қонун лойиҳасида ўз ифодасини топди

Айни кунларда Олий Мажлис Қонунчилик палатасида «Экологик назорат тўғрисида»ги қонун лойиҳаси қизғин муҳокама қилинмоқда. Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси асосида ишлаб чиқилган мазкур қонун лойиҳасида атроф-муҳитни ҳимоя қилишни таъминлаш тизимида нодавлат нотижорат ташкилотларнинг роли ва ўрнини белгилаш, экологик назоратни самарали амалга ошириш билан боғлиқ ҳуқуқий меъёрлар ўз аксини топмоқда.

ЎзХДП фракцияси қонун лойиҳаси бўйича партия Сайловолди дастуридан келиб чиқадиган 50 дан ортиқ таклифни масъул қўмитага тақдим этган эди. Кеча қонун лойиҳаси фракция йиғилишида яна бир бор муҳокамадан ўтказилганда мазкур таклифларнинг аксарияти қонун лойиҳасида ўз ифодасини топаётгани маълум қилинди.

Фракция аъзоси Саттор Раҳматовнинг таъкидлашича, экологик назорат тушунчасини алоҳида меъёр сифатида бериш, унинг турларини қонун лойиҳасида тўлиқ акс эттириш, экологик назоратни амалга оширувчи органлар, фуқаролик жамияти инс­титутларининг ҳуқуқ ва ваколатларини аниқ белгилашга доир таклифлар инобатга олинган.

Партия дастурий мақсадларида муҳим ўрин тутган аҳоли саломатлиги муҳофазасини кучайтиришга қаратилган таклифлар қонун лойиҳасини такомиллаштириш жараёнида қабул қилингани фракция учун принципиал аҳамият касб этади.

Умуман, қонун лойиҳаси муҳокамаси жараёнида фракциямиз аъзолари томонидан берилган ҳар бир таклифга алоҳида тўхталиб ўтилганини, уларнинг қабул қилиниш ёки қилинмаслик сабаблари атрофлича таҳлил этилганини алоҳида таъкидлаш жоиз. Бу амалиёт парламент қуйи палатасидаги қонун ижодкорлиги жараёни юксалиши, сиёсий партиялар фракциялари, депутатлар фаоллиги янада кучайишига ша­роит яратади. Шу орқали, энг муҳими, ишлаб чиқилаётган қонунлар ҳар томонлама пишиқ ва мустаҳкам бўлади.

(Ўз мухбиримиз)



DB query error.
Please try later.