12.11.2013

ҚУЙИ БЎҒИН ФАОЛИЯТИНИ ЖОНЛАНТИРИШ АВВАЛО, УНИНГ ЕТАКЧИЛАРИГА БОҒЛИҚ

— Бугун Ўзбекистон Халқ демократик партияси тизимида 10 мингдан ортиқ бошланғич ташкилот фаолият кўрсатмоқда, — дейди ЎзХДП Марказий Кенгаши Ташкилий-кадрлар ишлари бўлими мудири Зокиржон Холматов. — Уларнинг етакчилари сиёсий ва ҳуқуқий билими, тажрибасини ошириб бориш партия дастурий мақсадларини рўёбга чиқаришда муҳим ўрин тутади. ЎзХДП Марказий Кенгаши Ижроқўми Ҳайъатининг яқинда қабул қилинган Ўзбекистон Халқ демократик партияси бошлан­ғ­ич ташкилотлари етакчиларини тайёрлаш ҳамда малакасини ошириш мақсадида жойларда сиёсий ўқув ва семинар-тренинглар ташкил этиш тўғрисидаги қарори партия тизимида профессионал етакчилар қатламини кенгайтиришга хизмат қилади.

Айни пайтда, мазкур қарор асосида қуйи бўғин етакчиларини ўқитиш барча минтақавий партия кенгашлари ва бошланғич ташкилотларда мунтазам йўлга қўйилди.

— Албатта, бошланғич партия ташкилотлари фаолиятини ривожлантириш, етакчиларнинг кўникма ва сиёсий билимини ошириш бугун сиёсий партиялар олдида турган муҳим вазифалардан биридир, — дейди Термиз археология музейи ходими, бошлан­ғич партия ташкилоти етакчиси Муқаддас ­Ҳайитова. — Шу маънода ЎзХДП Термиз шаҳар кенгаши ташкил этадиган тадбирлар биз учун катта аҳамиятга эга. Уларда сиёсий партиялар фаолияти тўғрисидаги қонун ҳужжатлари билан батафсил танишиб, сиёсий билимларимизни оширамиз. Ўқувлар қанча кўп ўтказилса, қуйи бўғин фаолиятини ривожлантириш самараси шунчалик ошади.

— Бошланғич ташкилотлар етакчиларининг сиёсий фаоллигини ошириш Сайловолди дастури ижросига қаратилган ташаббуслар кўпайишига хизмат қилади, — дейди ЎзХДП Пахтачи туман кенгаши раиси Исмат Санаев. — Биз белгиланганидек, жорий йилнинг шу даврига қадар иккита сиёсий ўқув-семинар ўтказдик. Уларда партиямиз тизимидаги 65 та бошланғич ташкилот етакчилари иштирок этди. Масалан, октябрь ойида ўтказилган ўқув-семинарда мамлакатимизда кўппартиявийликнинг ташкил этилиши ва ривожланиши, давлат бош­қарувини демократлаштиришда уларнинг ўрни ва аҳамияти, сиёсий етакчи ­масъ­­­­­­­у­лияти каби мавзуларни атрофлича ўргандик.

— Ушбу ўқув-семинарлар бошланғич ташкилотларнинг партиямиз сиёсий, ижтимоий ва иқтисодий ҳаётида янада фаол иштирокини таъминлашга хизмат қилиши, шубҳасиз, — дейди Булунғур туман тиббиёт бирлашмаси ҳузуридаги ЎзХДП бошлан­ғич партия ташкилоти етакчиси Раҳматилло ­Бобонов. — Бизнинг бошланғич ташкилотимиз атрофида бирлашган аъзолар сони 100 нафардан ошди. Партиянинг нуфузи, таъсирчанлиги қандай бўлишини бошланғич ташкилотлар белгиласа, уларнинг фаолият самараси ҳар бир аъзонинг сиёсий фаоллиги ва ташаббускорлигига боғлиқ. Бошланғич ташкилот етакчилари учун ташкил этилаётган ўқув-семинарида биз нафақат тажриба ўргандик, балки ўз таклифларимиз билан ҳам иштирок этдик. Хусусан, аъзоларимизни ЎзХДП Дастури ва Низоми билан таъминлаш, мафкуравий тарғибот-ташвиқот ишларини кучайтириш, шунингдек, туманимизнинг ижтимоий ҳаётига дахл­дор масалалар ижроси ва бу борада учраётган муаммолар бўйича таклифлар бердик.

— Етакчиларни тайёрлаш ҳамда малакасини ошириш мақсадида ташкил этилган сиёсий ўқув-семинарлар бошланғич ташкилотларимиз фаолиятини янада жонлантириб юборди, — дейди ЎзХДП Жиззах вилоят кенгаши раиси Мўътабар ­Каримова. — Уларда тумандаги бошланғич ташкилотлар етакчилари фаол иштирок этишди. Сиёсий ўқув-семинарларда бошланғич партия ташкилотларининг партия ижтимоий-сиёсий ҳаётидаги ўрни ва ролини кучайтириш, мавжуд муаммолар ва уларни ҳал этиш имкониятларини аниқлаш, партия электорати манфаатларига қаратилган ишларни амалга ошириш борасида аниқ вазифалар қўйилди.

Бошланғич ташкилот фаолияти самарали бўлса, партия кенгашларининг амалий ишлари салмоғи ҳам ортади. Бу эса партиянинг жамиятда таъсир кучи, обрў-эътибори ошишига, дастурий мақсадлари рўёбга чиқишига хизмат қилади.

Элмурод ЭГАМҚУЛОВ,

ЎзХДП Марказий Кенгаши Матбуот хизмати ходими.



DB query error.
Please try later.