Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
31.10.2013

ҲИСОБОТЛАР ҚИСҚАРДИ, ИШЛАБ ЧИҚАРИШ ҲАЖМИ ОРТДИ

Мамлакатимизда иқтисодиётнинг реал секторини ривожлантириш, ишлаб чиқаришни ҳар томонлама қўллаб-қувватлаш давлатимиз сиёсатининг устувор йўналишларидан бири сифатида белгилаб олинган.

Соҳа фаолиятини самарали йўлга қўйиш ва ривожлантириш мақсадида қатор қонун ва қонун ости ҳужжатлари қабул қилинди. Президентимизнинг «Ста­тис­тик, солиқ, мо­лия­вий ҳисоботларни, лицензияланадиган фаолият турларини ва рухсат бериш тартиб-таомилларини тубдан қисқартириш чора-тадбирлари тўғрисида»ги Фармони ҳам ушбу мақсадга қаратилганлиги билан аҳамиятлидир.

Таъкидлаш жоизки, мазкур Фармонга кўра, 2012 йилнинг 1 августидан рухсат беришга оид 80 та тартиб-таомил, лицензияланадиган фаолият турларининг 15 таси бекор қилинди. Шу билан бирга ҳисоботларни топшириш даврийлиги, унинг муддатлари узайтирилди. Вазирлар Маҳкамасининг 2013 йил 15 август кунидаги «Тадбиркорлик фаолияти соҳасидаги рухсат бериш тартиб-таомиллари тўғрисида»ги Ўзбекистон Республикаси Қонунини амалга ошириш чора-тадбирлари ҳақида»ги қарорига асосан тадбиркорлик фаолияти соҳасидаги рухсат этиш хусусиятига эга ҳужжатлар сони яна камайтирилди. Хусусан, давлат солиқ органлари томонидан рўйхатга олинадиган, бериладиган рухсатномалар сони атиги 3 тани ташкил қилади. У ҳам бўлса, фискал хотирали назорат-касса машинасини рўйхатга олиш карточкаси, алкоголь маҳсулотлари қуйиш линияларини ягона реестрга рўйхатга олинганлиги ҳақидаги гувоҳнома ва хўжалик субъектларининг бюджет олдида қарзи йўқлиги ҳақидаги хулосадан иборат. Юқоридаги ҳужжатлар хўжалик юритувчи субъектлар учун вақтнинг тежалишига, мансабдор шахслар масъулиятининг ошишига, маҳсулотлар ҳажмининг ортишига ва ҳудудлар иқтисодиётининг ривожланишига хизмат қилмоқда. Хусусан, жорий йилнинг 9 ойида Сурхондарё вилоятида ҳам ишлаб чиқариш ҳажми ўтган йилга нисбатан сезиларли даражада ошди. Ялпи ички маҳсулотнинг 77,9 фоизи кичик бизнес субъектлари ҳиссасига тўғри келди. Унинг улуши саноатда 27,6, қишлоқ хўжалигида 99,2, қурилишда 79,0 фоизни ташкил қилди.

Вилоят давлат солиқ бош­қармаси ва унинг қуйи тизими ходимлари томонидан юқорида қайд этилган фармон ва қарорлар ижросини таъминлаш мақсадида манфаатдор ташкилот ва идоралар билан ҳамкорликда мунтазам равишда тушунтириш, тарғибот тадбирлари ўтказилиб келинмоқда. Таъкидлаш керакки, уларнинг ижроси аҳоли бандлиги ва фаравонлигини таъминлашда муҳим аҳамиятга эга.

Комил Исмоилов,

Ўзбекистон Республикаси Давлат  солиқ қўмитаси ҳузуридаги Республика ахборот-маслаҳат маркази Сурхондарё вилоят бўлинмаси бошлиғи.



DB query error.
Please try later.