Охирги сонда



Кўп ўқилган мақолалар



Долзарб мавзу



Мақолалар архиви

«    Noyabr 2018   
Du Se Cho Pa Ju Sha Ya
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2
03.10.2013

БАНКРОТ КОРХОНАЛАРНИНГ ФАОЛИЯТИ ҚАЙТАДАН ЙЎЛГА ҚЎЙИЛИШИ

ижтимоий-иқтисодий масалаларни ҳал қилишга хизмат қилмоқда

Республика Марказий банки томонидан «Инқирозга қарши чоралар, тижорат банкларининг банкрот корхоналарни соғломлаштиришдаги ўрни» мавзуида матбуот анжумани ўтказилди.

— Бундан беш йил аввал бошланган глобал молиявий-иқтисодий инқироз бир қатор мамлакатлар иқтисодиёти, йирик трансмиллий компаниялар, молия институтлари фаолиятига жиддий зарар етказди, ишсизлар сони ошиб, аҳоли даромадлари тушиб кетди, — дейди Марказий банкнинг Тижорат банклари инвестиция портфе­лини мониторинг қилиш депар­таменти директори Азамат ­Қосимов. — Ана шундай шароитда мамлакатимиз Президенти раҳнамолигида ишлаб чиқилган ­Инқирозга қарши чоралар дастури глобал инқироз таъсирини нафақат юмшатиш, балки миллий иқтисодиётимизнинг изчил ривожланишини таъминлаш ва барқарорлигини мустаҳкамлаш асоси бўлди. Хусусан, мамлакатимиз тижорат банклари мазкур дастур доирасида бир қатор ишларни амалга оширди.

Бунга кўплаб мисоллар келтириш мумкин. Жумладан, тижорат банкларини зарар кўриб ишлаётган ва иқтисодий ночор корхоналарни соғломлаштириш жараёнига жалб қилиш тажрибаси ўзини тўла оқлади. Банкларнинг молиявий, ташкилий имкониятларидан иқтисодий ночор корхоналарни соғломлаштиришда кенг фойдаланиш механизми янгилик бўлиб, дунё банк тажрибасида қўлланилмаган эди. Ушбу усулга кўра, тижорат банк­лари банкрот деб эълон қилинган ишлаб чиқариш корхоналарини аукцион ва танлов савдолари орқали сотиб олади. Банклар ўз балансига олган банкрот корхоналарни молиявий соғломлаштириш ва қайта тиклаш, уларни техник ва технологик жиҳатдан модернизациялаш ҳамда қайта жиҳозлашни таъминлаш, ички ва таш­қи бозорларда рақобатбардош маҳсулот ишлаб чиқаришни ташкил этиш бўйича инвестиция мажбуриятларини қабул қиладилар. Кейинчалик мазкур корхоналар стратегик инвесторларга бозор қийматида сотилади. Иқтисодий ночор корхоналарни соғломлаштириш механизми янги маҳсулотлар ишлаб чиқаришни йўлга қў­йиш, бошқарувнинг замонавий усулларини жорий этиш, янги иш ўринлари яратиш баробарида, банкротлик туфайли хизматчиларга ўз вақтида берилмаган ойлик маошларни, таътил пулларини қоплаб беришдек муҳим ижтимоий-иқтисодий вазифани ҳам бажаради.

2013 йилда тижорат банклари балансига 171 та корхона қабул қилинган. Уларни модернизация қилиш, техник ва технологик жиҳатдан қайта жиҳозлаш учун тижорат банклари томонидан 442,6 млрд сўмлик миқдорида инвестициялар киритилган. Ҳозирда тижорат банклари инвестициялари ҳисобига 156 та банкрот корхонанинг ишлаб чиқариш фаолияти йўлга қўйилиб, уларда 25 мингдан ортиқ иш ўрни яратилди. Шу кунга қадар эса 122 та корхона стратегик инвесторларга сотилди. Фаолияти тикланган корхоналарда бугунга қадар 2,3 трлн сўмлик маҳсулот ишлаб чиқарилди ва 631,9 млн АҚШ доллари миқдоридаги саноат маҳсулотлари яқин ва узоқ хориж мамлакатларига экспорт қилинди.

Яна шуни айтиш мумкинки, қайта тикланган корхоналарнинг муваффақиятли фаолият юритишида ҳукумат томонидан солиқ имтиёзларининг берилиши муҳим ўрин тутмоқда. Тижорат банклари, шу жумладан, бошқа инвесторлар иштирокида янгидан ташкил этилган хўжалик юритувчи субъектлар давлат рўйхатидан ўтган кундан бошлаб то стратегик инвесторга сотилгунга қадар уч йил мобайнида мол-мулк солиғи, ягона солиқ, даромад ва ер солиқларидан озод этилади.

Тадбирда тижорат банкларининг масъул ходимлари томонидан журналистларни қизиқтирган саволларга жавоб берилди.

Тоштемир ХУДОЙҚУЛОВ,

«Ўзбекистон овози» мухбири.



DB query error.
Please try later.