19.09.2013

АЛИШЕР НАВОИЙ ЖАҲОН ШОИРИ

Буюк бобомизнинг шеърлари дунёнинг кўплаб тилларига таржима қилинган. Унинг ижод намуналари яқинда поляк тилида ҳам нашр этилди.

Президентимизнинг «Юксак маънавият енгилмас куч» асарида инсон қалбининг қувончу қайғусини, эзгулик ва ҳаёт мазмунини Навоийдек теран ифода этган шоир жаҳон адабиёти тарихида камдан-кам топилиши алоҳида таъкидланади.

Бу тарихий ҳақиқат эканини ҳаётнинг ўзи қайта-қайта исботламоқда. Мамлакатимиз мустақиллигининг 22 йиллик байрами арафасида Польшада Алишер Навоийнинг шеърлар тўплами поляк тилида чоп этилди. Мазкур китобнинг биринчи нусхаси таржимон Я. Кжижовский ­илтимосига кўра, Алишер ­Навоий номидаги Ўзбекис­тон Миллий кутубхонасига юборилди.

Алишер Навоий ҳазратлари ижоди намуналари жамланган ушбу китоб Польша давлат кутубхонасининг каталогига ҳам киритилди. Таниқли таржимон Я.Кжижовский Польша тиб­биёт академияси ва Варшава университетининг фалсафа факультетини битирган. Берлиндаги Гумбольдт университетида докторлик илмий даражасини олган. Айни пайтда у Заҳириддин Муҳаммад Бобур асарларини поляк тилига ўгириш устида иш олиб бормоқда.

Темур АЪЗАМ



DB query error.
Please try later.