17.09.2013

КАДРЛАР БИЛАН ИШЛАШ

тизимини такомиллаштиришга бағишланди

Ҳар бир сиёсий партиянинг жамиятдаги таъсир кучи, ҳеч шубҳасиз, кадрлар салоҳиятига боғлиқ. Ўз сафларида сиёсий билимдон, ташкилотчи кадрларни кўпроқ тўплай олган, уларнинг малакасини ошириб боришга ҳаракат қилаёт­ган партия ўз дастурий мақсадларини амалга оширишда катта имкониятга эга бўлади.

Яқинда Фарғона шаҳрида кадр­лар билан ишлаш режасига асосан Андижон, Наманган ва Фарғона вилоят кенгашлари раҳбар ва масъул ходимлари, маҳаллий партия кенгашлари раислари, халқ депутатлари маҳаллий Кенгашларидаги ЎзХДП депутатлик гуруҳлари аъзолари, «Истиқбол» ёшлар қаноти вакиллари иштирокида «Ўзбекистон ХДП тизимида кадрлар малакасини ошириш: талаб ва тавсиялар» мавзуида минтақавий семинар ўтказилди. 

Семинар аввалида «ЎзХДП Марғилон шаҳар кенгашида кадрлар билан ишлаш тажрибасини ўрганиш» юзасидан кўргазмали машғулот ўтказилди. Унда иштирокчилар томонидан мавзу бўйича турли фикр­лар билдирилди. Мутахассислар кадрлар билан ишлашнинг ўзига хос хусусиятлари ҳақида тушунча беришди.

Амалий машғулотдан сўнг ўтказилган давра суҳбатида ЎзХДП тизими учун малакали кадрлар танлаш ишларини янада такомиллаштириш, ёш, салоҳиятли кадрлар сафини кенгайтиришга қаратилган ишларни янада жонлантириш масалаларида маърузалар ва фикр-мулоҳазалар тингланди. Партия ташкилотлари фаолиятини кучайтиришда кадрлар малакасини ошириш ишларини такомиллаштириш муҳим аҳамиятга эгалиги таъкидланди.

Алоҳида айтиб ўтиш жоизки, партиямиз тизимида ўтказилаётган бундай минтақавий семинарлар кадрларни замон талаблари асосида тайёрлаш, уларнинг малакасини ошириш ишларини изчил йўлга қўйиш, бу борада мунтазам ўқувлар ташкил этиш раҳбар ва масъул ходимлар масъулиятини оширишга хизмат қилади. 

Ҳабибахон ЮНУСОВА,

ЎзХДП Фарғона вилоят кенгаши бўлим мудири. 



DB query error.
Please try later.