Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
17.09.2013

МИЛЛИЙ ИФТИХОР ТУЙҒУСИ

мустақилликни мустаҳкамлаш йўлида ҳар биримизни фидойи бўлишга ундайверади

Жамиятни янгилаш ва демократлаштириш жараёнида олиб борилаётган кенг кўламли ислоҳотларнинг самарадорлиги, аввало, миллий тафаккурнинг ўзгариши, юксалиши билан бевосита боғлиқ. Демак, миллий истиқлол ғоясини ҳаётимизнинг бош мезонига айлантириш, ҳар бир фуқарода ғурур туйғусини шакллантириш асосий мақсадимиздир.

ЎзХДП Тошкент шаҳар кенгаши ташаббуси билан Ўзбекистон тарихи давлат музейида «Миллий истиқлол ғояси — мустақиллик таянчи» мавзусида ташкил этилган давра суҳбатида партия фаоллари эътибори шу мавзуга қаратилди.

Учқун ШОЙИМҚУЛОВ, ЎзХДП Тошкент шаҳар кенгаши раиси, халқ депутатлари шаҳар Кенгашидаги депутатлик гуруҳи раҳбари:

— Мамлакатимиз мустақиллигининг йигирма икки йиллигига бағишланган тантанали маросимда мустақиллик хал­қимизга берган ҳуқуқ, буюк имконият ҳақида алоҳида тўхталиб ўтилди. Мустақиликка эришиш бу — ер ости ва ер усти бойликларимизга эга бўлиш, ўзлигимизни чуқур англаб, беқиёс салоҳиятимизни ишга солиш, қадриятларимизни, дину диёнатимизни тиклаш каби буюк ва муқаддас бурчимизни амалга ошириш экани алоҳида таъкидланди. Бу ишларни изчил давом эттиришда фуқаролик жамияти институтлари, жумладан, сиёсий партияларнинг ўрни ва иштироки муҳим аҳамият касб этади.

Ўзбекистон Халқ демократик партияси мустақилликни асраш ва мустаҳкамлаш, тинчлик ва осойишталикни таъминлаш, халқ фаровонлигига эришиш каби умуммиллий манфаатларни ўз мафкураси ва сиёсий фаолиятининг пойдевори, деб билади. Шу боис миллий истиқлол ғояси тарғиботи партиянинг барча даражадаги депутатлари ва ташкилотлари зиммасига катта масъулият юклайди. Сиёсий ва фуқаролик маърифати тизимида олиб борилаётган ўқувларни таъсирчан усулларда ташкил этиш, миллий ифтихор туйғусини шакллантириш ва мустақилликни мустаҳкамлаш йўлида ҳар биримизни фидойи бўлишга ундайди.

Жаннат ИСМАИЛОВА, Ўзбекистон тарихи давлат музейи директори, тарих фанлари доктори:

— Миллий истиқлол ғояси халқ­нинг ўтмиши ва келажагини бир-бири билан боғлайди, орзу-истакларини амалга оширишга хизмат қилади. Ўзбекис­тон асрлар давомида дунё цивилизацияси тараққиётига муносиб ҳисса қўшган. Шунинг учун ҳам миллий маънавиятни ривожлантириш, ўзликни англаш, маданий мерос ва тарихий ўтмишга кишиларимизда чуқур ҳурмат, уни ўрганишга интилиш туйғуси кучайиши муҳим аҳамият касб этмоқда. Партия тизимида ҳам мазкур мавзулар муҳокамасига кенг ўрин бериш, тарғибот ишларини кучайтириш керак, деб ўйлайман. Чунки, миллий ифтихор туйғуси кучли одам катта ишларга қодир бўлади.

Дилафруз УСМОНОВА, Зулфия номидаги Давлат мукофоти совриндори:

— Биз ёшлар мустақиллик туфайли яратилган имконият ва шароитлардан самарали фойдаланишимиз зарур. Зиммамиздаги масъулиятни қай даражада англашимиз эса миллий ғоя ҳақидаги тушунчамизга, миллий ғуруримизга боғлиқ.

Таълим муассасаларида миллий ғоя фани ўқитилиши ҳам миллий маънавиятни ривожлантириш, маданий мерос ва тарихий ўтмишга чуқур ҳурмат, уни ўрганишга интилиш туйғусини шакллантиришга хизмат қилаяпти. ЎзХДП сиёсий ва фуқаролик маърифати тизимида ўтказиб келинаётган тадбирлар партия аъзолари, электорат вакиллари орасида миллий истиқлол ғоясини тарғибот этишда катта аҳамиятга эга.

Тадбирда, шунингдек, фуқароларнинг сиёсий ва маънавий онгини юксалтириш жараёнлари, бунда партия ташкилотлари, депутатлик гуруҳлари фаоллигини ошириш масалалари юзасидан фикр-мулоҳазалар билдирилди.

Лазиза ШЕРОВА,

«Ўзбекистон овози» мухбири.



DB query error.
Please try later.