Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
01.08.2013

ВОЯГА ЕТМАГАН БОЛАЛАР ТАРБИЯСИ

жиддий эътибор талаб этади

Тошкент шаҳар ҳокимлигининг Вояга етмаганлар ишлари бўйича комиссияси ҳамда «Камолот» ёшлар ижтимоий ҳаракати Тошкент шаҳар кенгаши қатор ташкилотлар билан ҳамкорликда «Мустақил она юртимизга муносиб фарзанд бў­лайлик!» шиори остида вояга етмаганлар учун тарбиявий ва маънавий соғ­ломлаштириш оромгоҳи ташкил этди.

Учтепа туманидаги «Гулбаҳор» болалар соғломлаштириш оромгоҳида ўтказилган тўрт кунлик тадбир Ўзбекистонда ёшларга оид давлат сиёсатини амалга оширишга қаратилган чора-тадбирлар дастури асосида амалга оширилди.

— Дастлаб ички ишлар идораларида профилактик ҳисобда турувчи болалардан 115 нафари ҳамда мактаб ва лицейларнинг 115 нафар ўқувчиси танланди, — дейди «Камолот» ёш­лар ижтимоий ҳа­ракати Тошкент шаҳар кенгаши матбуот котиби Ўткир Маҳкамов. — Яъни, ҳар бир вояга етмаган болага ўзининг тенгдоши бўлган аълочи ўқувчи бириктирилди. Бундан кўзланган мақсад тарбияси оғир болаларни ижобий томонга ўзгартириш эди. Иштирокчилар билан 7 та гуруҳда иш олиб борилди. Ҳар бир гуруҳда тажрибали мутахассислар ҳамкор ташкилотлар билан бирга турли лойиҳа ва мавзулар дои­расида қизиқарли тадбирлар, маҳорат дарслари, спорт мусобақалари ўтказилди.

— 1-гуруҳ қизлари билан уч кун давомида турли маш­ғулотлар, ўйинлар ўтказдик, — дейди Яккасарой туманидаги 135-мактаб директорининг маъна­вий-маърифий ишлар бў­йича ўринбоса­ри, психолог Мукамбар Орипова. — Бу йил янги механизм қўллаб, ҳар бир боланинг психологик ривожланиш хусу­сиятларини ўрганишга эътибор қаратдик. Махсус сўровнома асо­сида болалар­нинг нимага қизиқиши, тафаккури, келажакда қан­дай касбни эгаллаш ниятида эка­ни, бу борада интилиши аниқ­ланди. Тренинглар давомида айрим болаларда ўзига нисбатан ишонч пастлиги ҳам кузатилди. Бунга кўп ҳолларда ота-оналарнинг эътиборсизлиги сабаб бў­лади. Тегишли машғулотлар давомида улар руҳиятида ижобий ўзгаришлар сезилди.

Тадбирлар якунида мониторинг ташкил қилиниб, унинг натижалари ҳар куни кечки умумий йиғилишларда муҳокама қи­либ борилди. Шунингдек, психологлар томонидан ҳар бир иштирокчининг психологик порт­рети ишлаб чиқилди. Энди бу ўсмирлар билан ишлаш ана шу таҳлиллар асосида давом эттирилади.

Басандабону ЖАЛИЛОВА,

«Ўзбекистон овози» мухбири.



DB query error.
Please try later.