Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
25.07.2013

МАҲАЛЛА БИЛАН ҲАМКОРЛИК

партиямизнинг дастурий мақсадларини рўёбга чиқаришга хизмат қилмоқда

Аҳолининг ижтимоий ҳимояга муҳтож қатлами манфаатини муҳофаза қилиш, бандлик дастурини амалга оширишда маҳалланинг ўрни тобора ошиб бораяпти. Ўзини ўзи бошқариш органлари фаолиятини ривожлантириш, унинг ҳуқуқий асосларини такомиллаштириш бўйича кенг кўламли ислоҳотлар олиб борилаётгани, унинг қонуний асослари тобора мустаҳкамланаётгани ҳаётимизда ўз самараларини бераяпти.

Ўзбекистон ХДП Марказий Кенгаши ҳамда Жиззах вилоят кенгаши ҳамкорликда «Маҳалла — аҳолини манзилли ижтимоий қўллаб-қувватлаш маркази» лойи­ҳаси доирасида ўтказилган давра суҳбатида бу масалалар ҳақида батафсил сўз юритилди.

Олий Мажлис Қонунчилик палатасидаги ЎзХДП фракцияси аъзолари Зиёвуддин Мансуров, Саттор Раҳматов «Фуқароларнинг ўзини ўзи бошқариш органлари тўғрисида»ги ҳамда «Фуқаролар йиғини раиси (оқсоқоли) ва унинг маслаҳатчилари сайлови тўғрисида»ги Қонунларнинг мазмун-моҳияти, уларга киритилган ўзгартиш ва қўшимчалар ҳақида батафсил тўхталиб ўтишди. Қонунларда кўзда тутилган жамоатчилик назорати, маҳаллаларда оилавий тадбиркорликни ривожлантириш билан боғлиқ янги меъёрлар юзасидан берилган саволларга атрофлича жавоблар қайтарилди.

Тадбирда, шунингдек, Ўзбекис­тон ХДП маҳаллий кенгашлари Жамоатчилик қабулхоналари фао­лияти таҳлил этилди. Электорат вакилларидан бўлаётган мурожаатларда кўтарилаётган масалаларни ҳал этишда маҳалла инс­титути билан ҳамкорлик муҳим аҳамиятга эга экани таъкидланди.

Айтиш керакки, йил бошидан бери партия маҳаллий кенгашлари Жамоатчилик қабулхоналарига 500 га яқин мурожаат бўл­ган. Уларнинг асосий қисми тегишли идоралар орқали ижобий ҳал этилган. Мурожаатлар билан ишлаш ва уларни ҳал этишда Жиззах шаҳри, Ғалла­орол, За­фар­обод, Мирзачўл, Фориш, Янгиобод туман партия кенгашларида муайян тажриба тўпланган.

Мисол учун, яқинда Ғаллаорол туманидаги «Маданият» маҳалласида истиқомат қилувчи фуқаро Матлуба Тугалова туман кенгаши қошидаги Жамоатчилик қабулхонасига моддий аҳволини ўнглаш масаласида ёрдам сўраб мурожаат қилди. Партия фаоллари мазкур масалани маҳалла фаоллари билан атрофлича ўр­ганиб чиқди ва ҳомийлар жалб этилган ҳолда фуқарога амалий ёрдам кўрсатилди. Шунингдек, М.Тугаловага уйда меҳнат билан шуғулланиш учун шарт-шароит яратишга кўмаклашилди.

Давра суҳбатида бу йўналишдаги ҳамкорликни кучайтириш зарурлиги, оилавий тадбиркорлик, касаначилик билан шуғулланиш учун яратилган имтиёзлар, аҳоли, айниқса, касб-ҳунар коллежлари битирувчиларини иш билан таъминлаш, пенсия ва нафақа та­йинлаш тартиби, умуман, электорат манфаатларига алоқадор кўплаб масалалар бўйича мутахассислар иштирокида тарғибот-тушунтириш тадбирларини мунтазам ўтказиш зарурлиги таъкидланди.

Партиямизнинг «Маҳалла — аҳо­лини манзилли ижтимоий қўллаб-қувватлаш маркази» ло­йиҳасини амалга оширишда тижорат банклари ҳам фаол ҳамкорлик қилаёт­ганини айтиб ўтиш ўринлидир. Жиззах шаҳрида ўтган мазкур тадбир доирасида ҳам маҳаллаларда истиқомат қилувчи 6 нафар ёш йигит-қизга тижорат банк­лари томонидан имтиёзли микрокредит олиш ҳуқуқини берувчи сертификатлар топширилди.

Тадбирда ЎзХДП Марказий Кен­гаши раиси ўринбосари Шарбат Абдуллаева иштирок этиб, пар­тиянинг маҳалла билан ҳамкорлик алоқаларини мустаҳкамлаш, бу борадаги устувор вазифалар ҳақида тўхталиб ўтди.

Иброҳим ЖОНУЗОҚОВ,

«Ўзбекистон овози» мухбири.



DB query error.
Please try later.