Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
20.07.2013

НАСИБАСИ БУТУН ХАЛҚМИЗ

Бугунги улкан ғалла хирмони, аввало, деҳқону фермерларга яратилган шарт-шароитлар, қишлоқ хўжалигидаги катта ислоҳотлар туфайли эришилган натижадир. Мустақилликнинг дастлабки йилларини яхши эслайман. Нон, озиқ-овқат масаласи жуда оғир аҳволда эди. Дўконлар ҳувиллаб қолган, одамлар далага чиқиб бошоқ теришга тушган, эртага нима бўлади, деган савол ҳаммани таҳликага солган пайтлар эди. Юртбошимиз ғалла мустақиллигига эришишдек ўта муҳим вазифани кун тартибига қўйди. Бунинг учун шарт-шароит яратилди. Катта саъй-ҳаракат, сафарбарлик бошланди. Ер ўз эгасига топширилди. Эски, қолоқ қишлоқ хўжалиги бошқарувидан воз кечилди. Ўз вақтида қилинган бу ишларнинг натижаларини эса кўриб турибмиз: дўконларда ноннинг юз хил тури...

Бизнинг «Сабир» фермер хўжалигига 1998 йили асос солинган. 77 гектар еримиз бор, 4 та қишлоқ хўжалик техникаси мавжуд. Хўжалигимиз мева-сабзавот, полиз экинлари билан бирга, пахта, буғдой экиб, давлат шартномасини ҳар йили ўз вақтида ортиғи билан бажариб келмоқда.

22 гектар ерга буғдой экиб, шартнома режасида кўрсатилган 36 тонна ўрнига 40 тонна ғалла топшириб, шартнома режасини Қорақалпоғистон Республикасида биринчилардан бўлиб бажардик. Мамлакатимизнинг улкан хирмонида фермер хўжалигимизнинг ҳам озгина ҳиссаси борлиги бизга фахр ва ифтихор бағишлайди.

Албатта, ерга қанча меҳр берсанг, она ер ҳам ўз бағридан шунча мўл ҳосил беради. Бизнинг шароитда кўп меҳнат қилишга тўғри келади. Табиатнинг инжиқлигини енгиш ҳам осон эмас.  Президентимизнинг табригини эшитиб, ғаллакорларнинг меҳнатини ҳурматлаб айтган гапларидан чарчоқларимиз чиқиб, кўнглимиз кўтарилди, ғайратимиз янада ошди.

Нон — рўзғорнинг тўкинлиги ва фаровонлиги белгиси. Шукр, дас­турхонларимиз нонга тўла. Демак, рисқимиз бутун, Юртимизда фаровонлик, овулларимизда байрам. Булар ҳаммаси ўз меҳнатимизнинг самарасидир.

Женис Сабиров,

Қорақалпоғистон Республикаси Нукус туманидаги «Сабир» фермер хўжалиги бошлиғи, ЎзХДП аъзоси.



DB query error.
Please try later.