Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
02.07.2013

ТАЛАБЧАН ЕТАКЧИЛАР САЙЛАНИШИ

ибратли ишлар, ташаббуслар кўпайишига йўл очади

Бошланғич партия ташкилотларининг ҳисобот-сайлов йиғилишларини уюшқоқлик билан ўтказиш, замонавий фикрлайдиган, интилувчан ва талабчан етак­чиларни сайлаш партия фаолиятини тубдан кучайтиришда муҳим аҳамият касб этади. Шунингдек, бу электорат манфаатларини ҳимоя қилиш, аъзоларнинг ижтимоий-сиёсий фаоллигини кучайтириш, партия дастурий мақсадларини амалга ошириш ва уни кенг тар­ғиб қилиш самарадорлигини оширишга хизмат қилади.

Сергели туманидаги 13-оилавий полик­линикада фаолият юритаётган пар­тиямиз бошлан­ғич ташкилотининг ҳисобот-сайлов йиғилишида ҳам бу борада алоҳида сўз юритилди. БПТнинг партия дас­турий мақсадларини амалга ошириш йўлидаги фаолияти таҳлил этилди.

Мирзо Кушбаков етакчилик қилаётган бошланғич партия ташкилоти 20 нафардан ортиқ аъзони бирлаштирган. Улар мамлакатимизда кечаётган демократик ислоҳотлар мазмун-моҳиятини жамоа аъзолари орасида чуқур тушунтириш, партия ташкилотлари ва депутатлик гуруҳлари ташаббуслари асосида амалга ошаётган ишларни тарғиб этиш жараёнларида фаоллик кўрсатмоқда.

– Бошланғич ташкилотимизда сиёсий ўқув, семинар-тренинг ва давра суҳбатлари мунтазам ўтказилади, – дейди етакчи. – Хусусан, поликлиника хизмат кўрсатадиган ҳудудда истиқомат қилаётган фуқаролар, касб-ҳунар коллежлари битирувчиларининг депутатлар ва сиёсатшунос, ҳуқуқшунослар билан учрашувлари ташкил этилмоқда. Бундай тадбирларда қонунчиликка киритилаётган ўзгартиш ва қўшимчалар, ижтимоий-иқтисодий ислоҳотлар, ЎзХДП дастурий мақсадлари ҳамда олдимизда турган муҳим вазифалар хусусида фикр алмашамиз. Шунингдек, ижтимоий ҳимояга муҳтож кишилар ҳамда ёлғиз кексалар ҳолидан хабар олиш, ҳамкор ташкилотлар кўмагида уларга ҳар томонлама ёрдам беришга ҳаракат қиламиз.

Етакчининг таъкидлашича, бошланғич ташкилот сафини билимли ва иқтидорли ёшлар билан кенгайтиришга алоҳида эътибор қаратилмоқда. Ҳисобот даврида 10 нафардан ортиқ ёш тиббиётчи партия сафига қабул қилинган.

Ҳисобот-сайлов йиғилишида йўл қўйилган камчиликлар, айрим йўналишлардаги сусткашликлар тан­қидий таҳлил қилинди. Бундан тўғри хулоса чиқариб, бошланғич ташкилот ташаббускорлигини ошириш бўйича аниқ йўналишлар белгилаб олинди.

Мирзо Кушбаков бош­лан­ғич партия ташкилоти етакчиси этиб қайта сайланди.

Дилдора ИБРАГИМОВА



DB query error.
Please try later.