28.06.2013

СОЛИҚ СОҲАСИНИ ЎРГАНИШДА МУҲИМ МАНБА

Мамлакатимизда амалга оширилаётган иқтисодий ислоҳотлар негизида аҳоли бандлигини таъминлаш, даромадини янада ошириш ва ҳаёт сифатини юксалтириш масалалари туради. Шу боис аҳолининг меҳнат фаоллигини рағбатлантиришда солиқ сиёсати муҳим ўрин тутади. Чунки, солиқлар одамлар даромадларини тартибга солишнинг асосий воситаларидан биридир.

Шу нуқтаи назардан қа­раганда, муаллифлар Эркин Гадоев ва Наргиза Қўзиевалар томонидан касб-ҳунар кол­лежлари учун тайёрланган «Жисмоний шахсларни солиқ­қа тортиш» номли дарслик долзарб ва муҳим аҳамиятга эгадир.

Дарсликнинг таркибий тузилиши кенг қамровли бўлиб, у танланган фанни мукаммал ёритиш ва баён этиш имконини беради.

Дарслик кириш, ўн икки боб, фойдаланилган адабиётлар рўйхати ва иловалардан иборат бўлиб, мантиқан изчил кетма-кетликда тузилган.

Китобда «Жисмоний шахсларни солиққа тортиш» фанини ўқитишнинг зарурлиги, предмети ва функциялари, ушбу фанни ўқитишда солиқ хизмати органлари ахборот тизими таркибидаги асосий дастурий маҳсулотларни қўл­лаш тартибини ўрганиш йўл­лари ёритилганлиги алоҳида аҳамиятга эга.

Шунингдек, жисмоний шахс­лар томонидан тўланадиган умумдавлат ва маҳаллий солиқлар ҳамда бошқа мажбурий тўловларнинг аҳамияти, жисмоний шахслар тўлайдиган солиқлар ва бошқа мажбурий таркиби ҳамда солиқ хизмати органларида солиқ тўловчилар фаолиятига оид дастурий маҳсулотларнинг моҳияти ва аҳамияти батафсил тадқиқ этилган.

Бундан ташқари, дарсликда хорижий мамлакатлар солиқ тизимида солиққа тортиш шакллари ва усуллари, жаҳон солиқ моделлари ва уларнинг ўзига хос хусусиятлари, қатор хорижий мамлакатларда жисмоний шахсларни солиққа тортиш тартиблари таҳлиллари келтирилган.

Шунингдек, китобда участка давлат солиқ инспекторининг асосий вазифалари, унинг фаолиятини, солиқ таянч пунктларини ташкил этиш ва участка солиқ инспектори иш ҳажмини белгилаш ҳамда фаолиятини назорат қилиш ва лавозимига тайинланадиган ходимга қўйиладиган талаблар таҳлил этилади.

Мухтасар айтганда, «Жисмоний шахсларни солиққа тортиш» дарслиги Солиқлар ва солиққа тортиш таълим йўналишида таҳсил олувчи касб-ҳунар коллежлари талабаларига мўлжалланган.

Нурали ОРИПОВ


Фикр ва мулохазалар

Защита от автоматических сообщений

Сўнгги янгиликлар: