Охирги сонда



Кўп ўқилган мақолалар



Долзарб мавзу



Мақолалар архиви

«    Oktabr 2019   
Du Se Cho Pa Ju Sha Ya
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
25.06.2013

ҚОНУН ҲИМОЯЧИЛАРИ ХИЗМАТГА ШАЙ

Ўзбекистон Республикаси Ички ишлар вазирлиги академиясининг навбатдаги битирувчилари ўзининг муқаддас бурчи — халқимиз тинчлиги ва осойишталигини таъминлаш, жамоат хавфсизлигини муҳофаза қилишга тайёр. Яқинда уларга диплом топширишга бағишлаб ўтказилган маросимда давлат ва жамоат ташкилотлари вакиллари, битирувчиларнинг оила аъзолари ҳамда дўстлари иштирок этди.

Ўзбекистон Республикаси ички ишлар вазири, генерал-лейтенант Б.Матлюбов Президентимиз Ислом Каримов раҳнамолигида ички ишлар тизимини ислоҳ қилиш борасида амалга оширилаётган ишлар салмоқли самаралар бераётганини таъкидлади. Мамлакатимизда жамоат хавфсизлиги, фуқаролар тинчлигини таъминлаш бўйича самарали тизим шаклланган бўлиб, бунинг натижасида ҳуқуқий тартибни сақлаш ҳамда жиноятчиликка қарши курашнинг замонавий услубларидан кенг фойдаланилмоқда. Соҳа ушбу йўналишдаги олий таълим муассасалари, хусусан, Ўзбекистон Республикаси Ички ишлар вазирлиги академиясида тайёрланаётган юқори малакали мутахассислар билан таъминланмоқда.

Мустақилликнинг дастлабки йилларида давлатимиз раҳбарининг ташаббуси билан ташкил қилинган мазкур академия бугунги кунда Марказий Осиёда ҳуқуқни муҳофаза қилиш органлари учун мутахассислар тайёрлайдиган энг йирик олий таълим муассасаси ҳисобланади. Академиянинг бой моддий-техник базаси — инновацион педагогика технологиялари маркази, ахборот-таълим портали, телемарказ, интерфаол таълим маркази, криминалистика тад­қиқотларини ўрганиш маркази, инсон ҳуқуқлари ресурс маркази тингловчиларни замонавий талабларга мувофиқ ўқитиш имконини бермоқда. Амалий машғулотлар криминалистика полигонлари, автомобиль йўллари ва йўл-транспорт ҳодисаларини ўрганиш учун мўлжалланган махсус ўқув майдонларида юксак савияда ташкил этилмоқда. Айни пайтда бу ерда офицерлар — терговчилар, тезкор-қидирув, жиноятчиликнинг олдини олиш мутахассислари, криминалист-экспертлар замонавий талаблар асосида тайёрланмоқда.

Тадбирда академия битирувчиларига дипломлар топширилиб, ҳуқуқшунос малакаси ва лейтенант унвони берилди.

— Ўқишни аъло баҳолар билан тамомлаганимдан хурсандман, — дейди қорақалпоғистонлик битирувчи, лейтенант Айнура Собирбоева. — Бу ҳаммамиз учун ҳаяжонли ва унутилмас кундир. Мустақил ҳаётга йўлланма олар эканмиз, Ватанимиз, Президентимиз ва халқимизга сидқидилдан ва фидокорона хизмат қиламиз. Фуқаролар ҳуқуқи ва эркинлигини турли таҳдидлардан ҳимоя қилиш, жамоат тартиби ва хавфсизлигини таъминлаш, жиноятчиликка қарши кураш, ҳуқуқбузарликларнинг олдини олиш учун зарур билим ва кўникмаларга эга бўлдик.

С.ТОЖИЕВ,

ЎзА мухбири.


Фикр ва мулохазалар

Защита от автоматических сообщений

Сўнгги янгиликлар: