Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
15.06.2013

ЕТАКЧИГА ЯНА ИШОНЧ БИЛДИРИЛДИ

Сиёсий партиянинг дастурий мақсадларини амалга ошириш, ғояларини кенг тарғиб этишда бошланғич ташки­лотлар етакчилари фаолияти катта ўрин тутади.

Хабарингиз бор, шу кунларда ЎзХДП бошланғич ташкилотларида ҳисобот-сайлов йиғилишлари ўтказилмоқда. Уларда кишиларни ўз ортидан эргаштира оладиган, дунёқараши кенг, юртимизда амалга оширилаётган ислоҳотлар мазмун-моҳиятини чуқур англаган, ҳар томонлама намуна бўла оладиган етакчиларни сайлаш масаласига алоҳида эътибор қаратилаяпти.

Яқинда Тошкент вилояти Бўстонлиқ туманидаги «Маърифат» маҳалласида фаолият юритаётган бошланғич ташкилотда ҳам ҳисобот-сайлов йиғилиши бўлиб ўтди. Унда партия фаоллари, халқ депутатлари туман Кенгашидаги депутатлик гуруҳи аъзолари, электорат вакиллари қатнашди.

Дастлаб партия ташкилоти етакчиси Дилором Ортиқованинг ҳисоботи тингланди.

— Бошланғич ташкилотлар самарали ишламас экан, сиёсий партия ўз олдига қўйган вазифаларини бажара олмайди, — деди етакчи. — Шу боис ташкилотимизда аъзолар фаоллигини ошириш, тарғибот-тушунтириш ишларини кенгайтириш, аҳоли вакиллари билан мулоқот-учрашувлар ўтказиш ишимизнинг асосини ташкил қилди.

Хусусан, ҳисобот даврида сиёсий-ҳуқуқий маданиятни юксалтириш бўйича 17 та, кучли ижтимоий сиёсат, аҳолининг кам таъминланган қисмини аниқ йўналтирилган асосда қўллаб-қувватлаш масалаларига қаратилган 12 та, давлат ва ҳудудий ижтимоий-иқтисодий дастурлар ижроси юзасидан 10 та тадбир ўтказилди.

Ўтган даврдаги фаолиятимизга танқидий баҳо берар эканмиз, ишимиз талаб даражасида эмаслигини алоҳида таъкидлаш жоиз. Сиёсий ва фуқаролик маърифати тизимидаги айрим тадбирлар, семинар ва давра суҳбатларини баҳс-мунозара, фикр алмашинув руҳида ташкил этишда сусткашликларга йўл қўйдик. Шунинг учун замонавий сиёсий технологиялардан фойдаланиш, электорат билан ишлашнинг янги усулларидан самарали фойдаланиш борасидаги камчиликларга барҳам бериш ташкилотимиз олдидаги муҳим вазифа ҳи­собланади.

— Туманимизда 1915 нафар партиямиз аъзоси 57 та бошлан­ғич ташкилотга бирлашган, — дейди ЎзХДП Бўстонлиқ туман кенгаши раиси Олимжон Бобоев. — Электоратнинг сиё­сий жараёнлардаги фаол иштирокини таъминлаш, уларни ўйлантираётган масалаларга ечим топишда қўйи ташкилотлар ташаббускорлиги кат­та аҳамиятга эга. Буни тўғри англаган ҳолда, улар ишини замонавий талаблар асосида ташкил этиш учун қўллаб-қувватлашга ҳаракат қилаяпмиз.

Таъкидлаш керакки, «Маърифат» маҳалласида фаолият юритаётган бошланғич ташкилотда 53 нафар партия аъзоси жипслашган. Йиғилишда бошланғич ташкилот фаолияти аниқ мисоллар орқали таҳлил этилди, унинг ишини такомиллаштириш бўйича партия фаоллари, депутатлар таклиф ва тавсиялар беришди. Партия аъзоларининг етакчи фаолияти билан боғлиқ фикрлари тингланди.

Билдирилган таклиф, фикр-мулоҳазалар, етакчининг ўз ишига танқидий муносабати инобатга олиниб, Дилором Ортиқова ҳудудий партия ташкилоти етакчиси этиб қайта сайланди.

Нурали ОРИПОВ,

«Ўзбекистон овози» мухбири.



DB query error.
Please try later.