Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
04.06.2013

«АГРОБАНК» КРЕДИТЛАРИ — ФАРОВОНЛИК ОМИЛИ

«Агробанк» очиқ акциядорлик тижорат банкининг Сирдарё вилоят бошқармаси томони­дан жорий йилнинг ўтган даври мобайнида кичик бизнес ва хусусий тадбиркорлик субъект­ларини қўллаб-қувватлаш учун қарийб 12 млрд. сўм кредит маблағлари ажратилди. Натижада вилоятда 1200 та янги иш ўрни яратилиб, кўплаб ёшларнинг бандлиги таъминланишига эришилди.

Аҳолининг озиқ-овқат маҳсулотлари ва ноозиқ-овқат истеъмол товарларига бўлган эҳтиёжини қон­дириш ва ички бозорни тўлдириш мақсадида кичик бизнес ҳамда тадбиркорлик субъектларига озиқ-овқат ва ноозиқ-ов­қат товарлари ишлаб чиқариш учун банк томонидан жорий йилда жами 6 млрд. 300 млн. сўмдан зиёд қис­қа ҳамда узоқ муддатли кредитлар ажратилди.

— Акфа эшик ва ромлар ишлаб чиқариш учун кредит сўраб «Агробанк»нинг ­Янгиер филиалига мурожаат этгандик, — дейди Ғанишер Аббосов. — Барча ҳужжатларимиз кўриб чиқилиб, маъқулланди. Узоқ муддатли имтиёзли кредит эвазига фаолия­тимизни анча кенгайтиришга эришдик. Яна цехимизда 10 нафар ёш иш билан таъминланди.

Бундан ташқари, банк томонидан қорамолчиликни ривожлантиришга қа­рийб 2 млрд.сўм, паррандачиликка 135 млн. сўм, балиқчилик ҳамда аса­ларичилик тармоқларига 75 млн. сўмдан кредитлар ажратилди.

Оилавий тадбиркорликни ҳамда ҳунармандчи­лик фаолиятини ривожлантириш ва кенгайтириш тўғрисидаги қарор ижросини таъминлаш мақсадида жорий йилнинг ўтган даврида банк филиаллари томонидан 271 млн. сўм кредит маблағлари йўналтирилиб, 41 та лойиҳа молиялаштирилди ҳамда 65 та янги иш ўрни яратилди.

Шунингдек, жорий йил 1 май ҳолатига банк бош­қармаси томонидан ин­вестиция лойиҳаларини молия­­лаш­тиришга жами 7 млрд. 456 млн. сўм маблағ ажратилди. Натижада ҳудудда бир нечта саноат корхоналари ишга тушиб, 468 та янги иш ўрни ташкил топди.

Жумладан, Ховос туманидаги «Promet Gaz» масъулияти чекланган жамиятига автомобилларга газ қуйиш ускуналарини со­тиб олиш учун банк кредити ажратилди. Натижада, мазкур корхонада ҳам 10 нафар ёшлар доимий иш билан таъминланди.

Бугунги кунда банк мижозлари ўзларига қулай бўлган тезкор ҳамда замонавий интерактив ва онлайн хизматларидан фойдаланиб, банк меъёрий ҳужжатларидан бохабар бўлишлари, ўз ҳисоб-рақамидаги операциялар ҳа­қида маълумотларни эркин олишлари ҳамда бош­қаришлари мумкин.

Мирбахтиёр МИРФАЙЗИЕВ,

«Ўзбекистон овози» мухбири.



DB query error.
Please try later.