Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
01.06.2013

БОЛАГА ЭЪТИБОР — КЕЛАЖАК ПОЙДЕВОРИ

1 июнь – Халқаро болаларни ҳимоя қилиш куни муносабати билан Олмазор туманидаги 1-сонли «Мурувват» ногирон болалар интернатида хайрия тадбири ўтказилди

Унда Ўзбекистон ХДП Марказий Кенгаши, Тошкент шаҳар кен­га­ши­­­­­ масъул ходимлари, Олий Маж­лис Сенати аъзолари, халқ депутат­лари Тошкент шаҳар Кенгашидаги партиямиз депутатлик гуруҳи аъзолари, ҳамкор ташкилотлар вакиллари, ҳомийлар, «Ўзбекнаво» эстрада бирлашмаси хо­нан­далари ва партия фаоллари иштирок этди.

Ўзбекистон Халқ демократик партияси ўз дастурий мақсад ва ғояларида ёш авлод тарбияси, унинг сиёсий-ҳуқуқий онгини ўстириш ва фуқаролик позициясини шакллантириш, мамлакатимизда бўлаётган ижтимоий-сиёсий жараёнларга дахлдорлик туйғусини кучайтириш, ҳаётда ўз ўрнини топиб олиши учун ёрдам бериш борасида муҳим вазифалар қўйилган. Ана шу мақсадда партиянинг барча ташкилотлари томонидан турли тадбирлар ташкил этиб келинмоқда.

Хайрия тадбири байрамона тус олди. Унда иштирок этганлар болаларга қувонч улашишга интилди.

— Ўзбеклар азал-азалдан болажон халқ, — деди Ўзбекистон халқ шоири, Олий Мажлис Сенати аъзоси Маҳмуд Тоир. — Юртимиздаги ҳар бир ота-она фарзандим, деб яшайди, унинг баркамол авлод бўлиб етишишини, Ватан равнақига ҳисса қўшишини хоҳлайди. Партиямиз ҳам бу эзгу иш­ларга ўзининг муносиб ҳиссасини қўшиб келмоқда. Фар­занд­ларимизнинг маънан етук бўлиб етишишига барчамиз масъулмиз.

— Фарзандларимизга қаратилаётган бундай эътибордан ҳаммамиз бирдек мамнунмиз, — деди интернат раҳбари, Ўз­ХДП фаоли Татьяна ­Саидова. — Бугунги кунда интернатимизда 292 нафар бола тарбияланмоқда. Улар илмли, ҳунарли бўлиб вояга етиши, ҳаётда ўз ўринларини топиши учун ҳукуматимиз томонидан барча шароитлар яратилган.

Ўзбекистон Халқ демократик партияси фаоллари, депутатлар нафақат байрам кунлари, балки доимий равишда тарбияланувчиларимиз ҳолидан хабар олиб туришидан мин­натдормиз.

Тадбирда сўзга чиққан Тошкент шаҳар партия кенгаши раиси, халқ депутатлари Тошкент шаҳар Кенгашидаги ЎзХДП депутатлик гуруҳи раҳбари Учқун Шоимқулов партия фаоллари пойтахтимизнинг барча туманларида ўтказилаётган байрам тадбирларида ҳам фаол иштирок этаётганини алоҳида таъкидлади.    

Тадбирда партия фаоллари, депутат ва ҳомийлар томонидан интернат тарбияланувчиларига сов­ғалар топширилди.

Акмал ТУРСУНБОЕВ,

ЎзХДП Марказий Кенгаши масъул ходими.



DB query error.
Please try later.