Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
21.05.2013

ВАТАНГА САДОҚАТ ҚАСАМЁДИ

Ички ишлар идораларида сержантларнинг хизмат ва жанговар тайёргарлиги ҳамда нуфузини ошириш мақсадида 2004 йилда Президентимиз ташаббуси билан ИИВ Академиясида Сержантлар таркибини тайёрлаш олий курслари ташкил этилган эди.

Бугунги кунда мазкур курс­ларда ички ишлар идоралари хизматига ҳар томонлама етук, Ватанга садоқат­ли кадрлар тайёрланмоқда.

Ўзбекистон Республика­си ИИВ Академиясининг ўқув полигонида Сержантлар тар­кибини тайёрлаш олий курс­ларига қабул қилинган курсантларнинг Ватанга содиқлик қасамёдини қабул қи­лиш маросими бўлиб ўт­ди. Олий курслар бошлиғи, пол­ковник С.Тангирбердиев курсантлар хизмат қасамёдини қабул қилишга тайёр эканлиги тўғрисида ахборот берди.

Академия бошлиғи полковник Ш.Икромов тадбирни очар экан, курсантлар таълим муассасасида чуқур билим олиб, мутахассислик сир-асрорларини пухта ўр­ганишлари учун барча шарт-шароитлар яратилгани, кенг ва ёруғ аудиториялар, маъруза заллари, зарур техника воситалари улар ихтиёри­да эканлигини таъкидлади.

Шундан сўнг курсантлар ўз Ватани, халқи ва Президентига содиқ бўлишга қа­самёд қилдилар.

Ички ишлар вазирининг ўринбосари, полковник А.Мирзаев курсантларни ушбу шодиёна билан табриклар экан, қуйидагиларни таъкидлади: «Бугун сиз, курсантлар учун ҳаётингиздаги энг унутилмас, ҳая­жонли кундир. Чунки она Ватан олдидаги муқаддас бурчингизни аъло даражада бажаришга қасамёд қилдингиз.

Эл-юрт тинчлиги ва осо­йишталигини таъминлашдек масъулиятли ва шараф­ли касбни танлаган экансиз, бунда сизлардан, аввало метин ирода ва юксак касб маҳорати талаб этилади. Шундай экан, ушбу билим масканида фақат аъло баҳоларга ўқиб, Ички ишлар вазирлиги томонидан билдирилган юксак ишончни оқлашингиз ва келгусида хизмат вазифангизни бажаришда бор куч-ғайратингизни сафарбар этишингизга ишонаман».

Тадбирга курсантларнинг ота-оналари ҳам ташриф буюришди. Улардан қайси бири билан суҳбатлашманг, фарзанди эл-юрт осойишталиги ҳимоячиси бўлишдек, юксак ва масъулиятли касбни танлаганидан фахр­ланишаётганини билдириш­ди.

Равшан ШОДИЕВ,

«Ўзбекистон овози» мухбири.



DB query error.
Please try later.