Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
21.05.2013

ЕТАКЧИЛИК МАСЪУЛИЯТИ

Ғаллаорол туманида Ўзбекистон Халқ демократик партиясининг 60 та бошланғич ташкилоти фао­лият кўрсатади. 2300 нафарга яқин партиядошимиз бирлашган мазкур ташкилотлар амалга оширилаётган ислоҳотлар, қонун ва қарорлар тарғиботи, жойларда ечимини кутаётган муаммоларни ўрганиш ҳамда бартараф этиш, элек­торатнинг сиёсий-ҳуқуқий маданиятини ошириш, аъзо­ларнинг жипслигини таъминлашда туман пар­тия кенгашининг асосий таянчи бўлиб хизмат қилмоқда.

Маҳалламизда тузилган бошланғич партия ташкилотига 32 нафар аъзо бирлашган. Улар партиямиз дастурий мақсадларини амалга оширишга ўз ҳиссасини қўшиб келаяпти.

Бугун қуйи бўғин етакчиси зим­масига катта масъулият юкланган. У, аввало, одамлар орасида, меҳнат жамоа­сида обрў-эътиборли, мустақил фикрли, ташкилотчи ва сиёсий билимдон бўлиши талаб этилади.

Акс ҳолда, у етакчи сифатида ҳудуддаги муаммолар, уларнинг ечими бўйича юқори партия ташкилоти, маҳаллий Кенгаш депутатларига ҳаётий таклифлар бера олмайди. Бу эса ҳу­дудда истиқомат қилаётган электорат вакиллари, пар­тиямиз ғояларига хайрихоҳ кишилар манфаати сама­рали ҳимоя этилишига тўс­қинлик қилади. Бу ўз навбатида нафақат бошланғич ташкилот, балки юқори пар­тия таш­килотлари фаолияти суст­лашишига олиб келади.

Бошланғич ташкилот етакчиси давлат бошқарувида фаол иштирок этиш имкониятига эга бўл­ган сиёсий кучнинг кичик, аммо муҳим бўлаги эканини яхши анг­лаб етиши зарур.

Етакчи ўз фаолиятини бугунги ҳаёт, амалга оши­рилаётган ислоҳотлар, демократик ўзгаришлар та­лабидан келиб чиққан ҳол­да ташкил этса, ўзи ҳам, сиёсий пар­тия ҳам бундан фақат обрў-эътибор қозонади.

Биз ҳам фаолиятимиз­ни Дастурий мақсадларимиздан келиб чиқиб, электоратимиз вакиллари — кам таъминланган, боқувчисини йў­қотган оилалар, ногиронлар­ни қўллаб-қувватлаш, уларнинг ижтимоий муҳофазасини мус­таҳкамлаш, сиё­сий-ҳуқуқий билими ва маданиятини оширишга ҳаракат қилаяпмиз.

Кейинги вақтларда давлат ва жамият бошқарувини ташкил этиш, демократлаштириш бо­расида сиёсий партияларнинг масъулияти тобора ошмоқда. Сиё­сий партия унинг давлат ҳо­кимияти вакиллик ор­ганла­ридаги депутатлик гуруҳлари аъзоларининг фаоллигисиз, амалий таклифларисиз самарали фаолият кўрсата олмайди. Бошланғич пар­тия ташкилотлари билан мун­тазам алоқа ўрнатиб, узвий ҳамкорликда ишлайдиган депутатлик гуруҳлари тажрибаси буни яққол тасдиқлаб турибди.

Бошланғич партия ташкилотлари ишини тубдан такомиллаштириш муҳим заруратга айланган экан, демак, аъзолар билан ҳар доим бирга ишлаши керак бўлган етакчиларни қўл­лаб-қувватлаш ва рағбатлантириш механизми ҳақида ҳам жид­дий ўйлаб кўриш лозим, деб ҳи­соблайман.

Марҳабо АРИПОВА,

Жиззах вилояти Ғаллаорол туманининг «Ёшлик» маҳалласидаги бошланғич  партия ташкилоти етакчиси.



DB query error.
Please try later.