Охирги сонда



Кўп ўқилган мақолалар



Долзарб мавзу



Мақолалар архиви

«    Noyabr 2018   
Du Se Cho Pa Ju Sha Ya
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2
21.05.2013

ОНА-БОЛА САЛОМАТЛИГИ

соғлом авлодни тарбиялашнинг асосий шартидир

Соғлиқни сақлаш вазирлиги томонидан «Соғлом авлодни тарбиялаш, оналар ва болалар саломатлигини муҳофаза қилиш борасидаги устувор вазифалар ва истиқбол­даги режалар» мавзуида матбуот анжумани ўтказилди.

Анжуманда Соғлиқни сақлаш вазири Анвар Алимов бугунги кунда Президентимиз раҳнамолигида аҳолининг соғ­лигини муҳофазалаш, хусусан, оналик ва болаликни ҳимоя қилиш борасида амалга оширилаётган кенг кўламли ишлар хусусида ахборот берди.

Дарҳақиқат, ўтган йиллар давомида «Соғлом она — соғ­лом бола» ғоясини ўзида мужассам этган дастур асосида аниқ чора-тадбирлар ишлаб чиқилиб, ҳаётга жорий этилиши натижасида — Скрининг ва Перинатал каби янги тиббий марказлар ҳамда уларнинг вилоятлардаги филиаллари миллий тиббиётимиздан мустаҳкам ўрин эгаллади. Айни пайтда республика ихтисослаштирилган Акушерлик ва гинекология ҳамда Педиатрия илмий амалий марказлари, жойлардаги филиаллари ҳамда ҳудудий кўп тармоқли болалар тиббиёт муассасалари самарали фаолият кўрсатиб келмоқда.

Ўзбекистон Мингйиллик ривожланиш мақсадларига эришиш бўйича глобал жараённинг фаол иштирокчиси сифатида 2000 йилда БМТнинг Мингйиллик саммитида мамлакатлар олдига қўйилган вазифаларни бажариш борасида кўплаб кўрсаткичлар бўйича етакчилик қилмоқда. Мамлакатимиз 2015 йилгача мўлжалланган мазкур тарихий декларация мажбуриятларининг аксарият қисмини ҳозирнинг ўзидаёқ бажарган.

Оналик ва болаликни муҳофазалаш борасида қилинаётган кенг қамровли ишлар туфайли юртимизда оналар ва болалар ўлими 3 баробарга камайди. Бундай кўрсаткич бўйича бугун Ўзбекистон нафақат МДҲ, балки дунёдаги етакчи давлатлар сафидан жой олган. Маълумотларга қараганда, агар 2005 йилда республикамизда мутлақо соғ­лом болалар кўрсаткичи 52,7 фоизни ташкил этган бўлса, 2012 йилда бу рақам 63 фоиздан ошди. Дунёнинг ривожланган давлатларида бу кўрсаткич 70-72 фоизни ташкил этишини инобатга оладиган бўлсак, мамлакатимизда бу масала бўйича ҳам юқори ўсиш суръатларига эришилаётганига гувоҳ бўламиз.

Бир қатор халқаро институтларнинг баҳосига кўра, аёлларга қулай шароитлар яратиш ва оналикни ҳимоя қилиш бўйича Ўзбекистон жаҳоннинг 125 та давлати орасида етакчи ўринлардан бирини эгаллаган. Бугунга келиб, ушбу кўрсаткич Марказий Осиё­да энг яхши, МДҲ ва Осиё­да эса юқори ҳисобланади. Шунингдек, ­ЮНИСЕФ­­­­нинг Шар­қий Европа, Болтиқбўйи ва МДҲ бўйича ҳудудий идораси томонидан республикамизнинг оналик ва болаликни муҳофаза қилиш соҳасидаги дастурлари регионал модель сифатида тан олинди.

Аҳоли саломатлигини муҳофаза қилиш соҳасида эришилган ютуқлар пойтахтимизда бўлиб ўтган «Ўзбекистонда она ва бола саломатлигини муҳофаза қилишнинг  миллий модели: «Соғлом она — соғ­лом бола» мавзуидаги халқаро симпозиумда Жаҳон соғ­лиқни сақлаш ташкилоти, ЮНИСЕФ ва бошқа дунёнинг энг нуфузли халқаро ташкилотлари ва 50 га яқин давлат томонидан ҳам юксак баҳоланди.

Матбуот анжуманида, шунингдек, қариндошлар ўртасидаги никоҳнинг олдини олиш, аҳолининг тиббий билим ва саводхонлигини юксалтириш, тиббий-ижтимоий лойиҳаларни ҳаётга татбиқ этишда ижтимоий ҳамкорликни кенгайтириш борасида амалга оширилиши лозим бўлган масалаларга ҳам эътибор қаратилди. Тадбирда вазирликнинг масъул ходимлари томонидан журналистларни мавзу юзасидан қизиқтирган кўплаб саволларига жавоб қайтарилди.

Тоштемир ХУДОЙҚУЛОВ,

«Ўзбекистон овози» мубири.



DB query error.
Please try later.