16.05.2013

СУД-ҲУҚУҚ СОҲАСИДА ҲАМКОРЛИК

Мамлакатимизга ташриф буюрган Россия Федерацияси Олий суди раиси Вячеслав Лебедев раҳбарлигидаги делегация аъзолари 15 май куни Ўзбекистон Республикаси Олий суди раиси Бўритош Мустафоев билан уч­рашди.

Мулоқот чоғида Ўзбе­кистон билан Россия ўр­тасидаги ҳамкорлик кўп­лаб йўналишларда, жум­ладан, суд-ҳуқуқ тизимида ҳам ривожланиб бораётгани, бунда икки давлат раҳбарларининг учрашувлари чоғида эришилган келишувлар муҳим ҳуқуқий асос бўлиб хизмат қилаёт­гани таъкидланди.

Учрашувда қайд этил­ганидек, Президентимиз Ислом Каримов раҳна­молигида суд-ҳуқуқ тизимини демократлаштириш, жиноят, жиноят-процес­суал қонунчиликни либераллаштириш, инсон ҳу­қуқлари ва эркинлик­лари тўла ҳимоя қилинишини таъминловчи мус­тақил суд ҳокимиятини шакллан­тириш борасида амалга оширилаётган кенг кўламли ислоҳотлар юксак самаралар бераётир. Суд-ҳуқуқ ислоҳотлари соҳа­сида қабул қилинаётган янги қонунларнинг мазмун-моҳиятини тўғри англаш учун соҳа мутахас­сислари малакасини оширишга катта эътибор қаратилмоқда.

Россия Федерацияси Олий суди раиси Ўзбекистонда қонун устуворлиги ва ижтимоий адолатни таъминлаш, фуқароларнинг ҳақ-ҳуқуқлари ва қо­нуний манфаатларини ҳи­моя қилиш борасида амал­га оширилаётган кенг кў­ламли ислоҳотлар бераётган юксак самараларга юқори баҳо берди.

Музокарада икки мамлакат суд-ҳуқуқ идоралари ўртасидаги ҳамкорликнинг бугунги аҳволи ва истиқболлари, алоқаларни янада кенгайтириш ва мустаҳкамлаш ҳамда тажриба алмашишни ривожлантиришга оид масалалар муҳокама қилинди.

Ирода УМАРОВА,

ЎзА мухбири.



DB query error.
Please try later.